سەرىك ساپيەۆ اتلەتيكا اۋىلىنىڭ اكىمى بولىپ تاعايىندالدى

وليمپيادا چەمپيونى سەرىك ساپيەۆ ۋنيۆەرسيادا بولاتىن اتلەتيكا اۋىلىنىڭ اكىمى بولىپ تاعايىندالدى, دەپ حابارلايدى ۋنيۆەرسيادانىڭ ءباسپاسوز قىزمەتى. «قازاقستاندىق بوكسشى, الەمنىڭ ەكى دۇركىن چەمپيونى, وليمپيادا چەمپيونى سەرىك ساپيەۆ دۇنيەجۇزىلىك قىسقى ۋنيۆەرسيادا قوناقتارى مەن ەرىكتىلەرى ورنالاساتىن اتلەتيكا اۋىلىنىڭ اكىمى بولىپ تاعايىندالدى», - دەپ حابارلادى ديرەكتسيا. اتلەتيكا اۋىلى اكىمىنىڭ مىندەتىنە دەلاگاتسيانى قارسى الۋ, سالتاناتتى شارالاردىڭ اشىلۋىنا, جالاۋلاردى كوتەرۋ راسىمدەرىنە قاتىسۋ كىرەدى. سونىمەن قاتار, رەسمي شارالارمەن قوسا, اتلەتيكا اۋىلىنىڭ اكىمى قوناقتارعا جايلى بولۋىن دا قامتاماسىز ەتۋى كەرەك. «اتلەتيكا اۋىلىنىڭ اكىمى بولۋ جانە مىناداي اۋقىمدى سپورت شاراسىنا ارالاسۋ مەن ءۇشىن ۇلكەن مارتەبە, جاۋاپتى مىندەت», - دەدى سەرىك ساپيەۆ. ايتا كەتەيىك, اتلەتيكا اۋىلىنا 3 000 ادام كەلەدى دەپ جوسپارلانىپ وتىر. وندا سپورتشىلاردان بولەك, رەسەي, ۋكراينا, وڭتۇستىك كورەيا, قىتاي, اقش جانە وزگە دە ەلدەردەن كەلگەن بارلىعى 100-گە جۋىق ەرىكتىلەر بارادى.  باس جوسپار بويىنا اتلەتيكا اۋىلىنا 5 000 ادام ورنالاسا الادى. اتلەتيكا اۋىلىنىڭ سالتاناتتى اشىلۋى 24 قاڭتاردا بولادى.