قاراعاندى وبلىسىندا شاحانداعى وقيعادان زارداپ شەككەندەرگە قاراجات جيناۋ ءۇشىن ارنايى قور قۇرىلعان بولاتىن. بۇگىنگى كۇنگە دەيىن قور ەسەبىنە 71 ملن تەڭگە تۇسكەن, دەپ حابارلادى BNews.kz.
"بۇل بۇگىنگى كۇنگى اقپارات. ساعات سايىن كورسەتكىش ارتىپ وتىر. 12 قاڭتار كۇنى جالپى قاراجات 71 ملن 892 مىڭ 260 تەڭگە بولدى. وونىڭ 13 ملن 387 مىڭ 573 تەڭگەسى جۇمسالدى. ال ەسەپتە 58 ملن 534 مىڭ 687 تەڭگە قالدى", دەدى قورعا جاۋاپتى ماماندار. بۇل جينالعان قاراجاتقا پاتەرى جوندەۋگە كەلمەيتىن شاحاندىقتارعا ءۇي ساتىپ الۋ جوسپارلانعان. اكىمدىكتىڭ اقپاراتىنا سەنسەك, قازىر 14 ادامعا پاتەر قاجەت ەكەن.
ەستەرىڭىزگە سالا كەتسەك, شاحان قالاسىندا 2017 جىلدىڭ 1 قاڭتارىندا كوپقاباتتى تۇرعىن ءۇيدىڭ ءبىر بولىگى قۇلاعاپ, 9 ادام قازا تاپقان بولاتىن.