قر باس پروكۋراتۋراسىنىڭ سايتىندا قولدانۋشىلار اتى-ءجونىن كورسەتپەي, بلانكتى تولتىرا وتىرىپ, ەكسترەميزم مەن تەرروريزم كورىنىستەرى تۋرالى ارنايى بولىمدە حابارلاما قالدىرا الادى, - دەپ حابارلايدى Tengrinews.kz.
كەز كەلگەن ادام جولدايتىن حابارلاماسىمەن قوسا, وندا سۋرەتتەر, سكرينشوتتار, ۆيدەولار مەن اۋديوجازبالار جىبەرە الادى. ولار كۇمان تۋدىرعان ادامدارعا قاتىستى مالىمەتتەردى جىبەرۋى كەرەك ەكەن. مىسالى, زاڭسىز ەسىرتكى ساۋداسىمەن, قارۋ مەن جارىلعىش زاتتاردى ساتۋمەن اينالىساتىن, ينتەرنەتتە ەكسترەميزم, تەرروريزم جانە ۇلتتار اراسىندا ارازدىق قوزدىرعاندار, سونىمەن قاتار, تۇرعىن ۇيلەرگە, عيماراتتارعا جانە كولىك قۇرالدارىنا سۋرەتتەر سالىپ تاستاعان نەمەسە ۇگىت مازمۇنداعى ماتەريالدار جازىپ كەتكەندەر جايلى حابارلاما قالدىرۋعا بولادى.
سونداي-اق, كەز كەلگەن ادام ۇسىنىس قالدىرىپ, ەكسترەميزم مەن تەرروريزمگە قارسى كۇرەسۋگە قاتىستى ويلارىن بولىسە الادى.