ساۋد ارابياسى مۇناي ءوندىرىسىن سوڭعى ەكى جىلداعى مينيمۋمعا ازايتتى, دەپ مالىمدەدى ەلدىڭ ەنەرگەتيكا ءمينيسترى حاليد ءال-فاليح. بۇل تۋرالى investing جازادى.
ونىڭ ايتۋىنشا, ساۋد ارابياسىنىڭ قازىرگى ءوندىرىسى تاۋلىگىنە 10 ملن باررەلگە جەتپەيدى. بۇل وپەك+ كەلىسىمى اياسىندا قولعا الىنىپ وتىرعان شارا.
ءوندىرىستىڭ قازىرگى دەڭگەيى ەڭ سوڭعى رەت 2015 جىلدىڭ اقپان ايىندا بايقالعان ەدى.
ابۋ-دابيدەگى ەنەرگەتيكالىق فورۋمدا ءسوز العان مينيستر الداعى ۋاقىتتا ءوندىرىستى ءالى دە ازايتاتىنىن ايتتى.
وسىلايشا, ساۋد ارابياسى مۇناي ءوندىرىسىن وپەك ۇيىمى بولجاعان دەڭگەيدەن دە ازايتىپ جىبەردى. وپەك+ كەلىسىمى اياسىندا ساۋد ارابياسى تاۋلىگىنە تەك 486 مىڭ باررەل ازايتۋى كەرەك ەدى.