2016 جىلى قازاقستاندا جول اپاتتارىنان 2 مىڭنان استام ادام قازا تاپتى, دەپ xابارلادى قر باس پروكۋراتۋراسىنىڭ قۇقىقتىق ستاتيستيكا جانە الەۋمەتتىك ەسەپ كوميتەتى.
"جالپى 2016 جىلى ەلىمىزدىڭ جولدارىندا 17 974 جول-كولىك اپاتى ورىن الدى, وندا 25 779 ادام زارداپ شەگىپ, 2 390 ادام كوز جۇمدى. الدىڭعى جىلمەن سالىستىرعاندا, اپات كولەمى 5%-عا كەمىگەن", - دەلىنگەن حابارلامادا.
جەلتوقسان ايىندا ەلدە 1 669 اپات ورىن العان, وندا 2 428 ادام زارداپ شەگىپ, 215-ءى قازا تاپقان. ەڭ كوپ اپات وتكەن ايدا الماتىدا تىركەلگەن - 431. وڭتۇستىك استانانىڭ ەڭ قاۋىپتى جول ۋچاسكەسى رەتىندە تولە بي - وتەگەن باتىر كوشەلەرىنىڭ قيىلىسى تانىلىپ وتىر. وندا ءبىر ايدا 14 جول-كولىك اپاتى تىركەلىپ, سالدارىنان 29 ادام زارداپ شەكتى. سونىمەن قاتار, تاشكەنت داڭعىلى دا قاۋىپتى بولىك سانالادى. وندا 6 جول-كولىك اپاتى ورىن الىپ, 6 ادام ءجانتاسىلىم ەتكەن. جولداعى ءولىم-ءجىتىم بويىنشا, الماتى وبلىسى كوش باستاۋدا, وڭىردە 44 ادام كوز جۇمدى.