2017 جىلدىڭ سوڭىنا دەيىن 9 مىڭعا جۋىق اقىلى كولىك تۇراعى ورىندارى جاسالماق, بۇل جونىندە استانا اكىمدىگىندە وتكەن قوعامدىق تىڭداۋ بارىسىندا استانالىق جولاۋشىلار كولىگى باسقارماسىنىڭ باسشىسى بەكمىرزا يگەنبەردينوۆ حابارلادى, دەپ جازادى strategy2050.kz.
«ءبىرىنشى جوبانى اكىمدىك ۆوكزال ماڭى الاڭى اۋماعىندا ىسكە اسىردى. ءدال وسىنداي جۇيە مامىر ايىندا اشىلاتىن جاڭا تەمىر جول ۆوكزالىندا دا ەنگىزىلەدى», - دەپ حابارلادى ب. يگەنبەردينوۆ.
سونداي-اق كولىك تۇراعى ورىندارى تۋرالى «استانا LRT» كومپانياسىنىڭ وكىلى رۋستام حاليلەۆ تە حابارلادى.
«استانانىڭ كولىك تۇراعى ورىندارىن باسقارۋ» جوباسى ەكى ايماقتان تۇراتىن بولادى. ءبىرىنشى ايماق تۇران – سارايشىق – ورىنبور – سىعاناق كوشەلەرىنىڭ قيىلىسى. ەكىنشى ايماق سارىارقا - بوگەنباي باتىر – رەسپۋبليكا – جاعالاۋ كوشەلەرىنىڭ قيىلىسى. بەكىتىلگەن تاريف 1 تۇراق ساعاتى ءۇشىن 100 تەڭگەنى قۇرايدى», - دەدى ر. حاليلەۆ.
ر. حاليلەۆتىڭ ايتۋى بويىنشا, 2017 جىلدىڭ ەكىنشى توقسانىندا استانادا ابىلاي حان جانە ش. قۇدايبەردى ۇلى داڭعىلدارىندا 5,3 شم بىرجاقتى قوزعالىس جولى ەنگىزىلەدى, بۇل كولىك اعىمىنىڭ جىلدامدىعىن ارتتىرادى. بۇدان بولەك, 24 جول ۋچاسكەسىندە قوعامدىق كولىك ءۇشىن بولىنگەن قوزعالىس جولاقتارى پايدا بولادى.