ەۋرووداق تۇركياداعى سيريالىق بوسقىنداردىڭ قاجەتتىلىگىنە 200 ميلليون دوللار ءبولدى, دەپ حابارلايدى Anadolu اگەنتتىگى. بۇل قاراجات سيريالىق بوسقىنداردىڭ بالالارىنا مەكتەپ سالۋ مەن گۋمانيتارلىق كومەك كورسەتۋگە جۇمسالادى.
سونداي-اق تۇركياداعى ەۋرووداقتىڭ سيريالىق بوسقىندارعا كومەك كورسەتۋ قورىنا 2,2 ميلليارد ەۋرو بولىنگەن. بۇگىنگە دەيىن 1,4 ميلليون ەۋرو تۇراتىن 31 جوبا كەلىسىلگەن.
ەستەرىڭىزگە سالا كەتسەك, 2015 جىلدىڭ 29 قاراشاسى كۇنى ەۋرووداق تۇركيامەن انكاراعا 3 ميلليارد ەۋرو كولەمىندە سيريالىق بوسقىندار بويىنشا قارجىلىق كومەك كورسەتۋ تۋرالى كەلىسىمگە كەلگەن بولاتىن. 2016 جىلدىڭ 18 ناۋرىزىنان باستاپ ەۋرووداق 2018 جىلدىڭ سوڭىنا دەيىن تاعى 3 ميلليارد ەۋرو بولەتىنىن مالىمدەدى.
قازىرگى تاڭدا تۇركيادا 3 ميلليوننان استام سيريالىق بوسقىن بار.