شىعىس قازاقستان وبلىسىنىڭ اكىمى بەردىبەك ساپارباەۆ جاقىندا كاتونقاراعاي ساپارى كەزىندە ەكى بىردەي ماڭىزدى وقيعانىڭ كۋاسى بولدى. ورەل اۋىلىنداعى 320 بالاعا ارنالعان مەكتەپتىڭ جانە كاتونقاراعايداعى «100 مەكتەپ, 100 اۋرۋحانا» باعدارلاماسى بويىنشا سالىنعان 75 توسەكتىك اۋرۋحانانىڭ سالتاناتتى اشىلۋىنا قاتىستى.
ءتور التايدىڭ تۇكپىرىندە جاتقان ورەل اۋىلىنىڭ مەكتەپ بىتىرگەن 28 تۇلەگىنىڭ 26-سى بىردەي وتكەن جىلى جوعارى جانە ارناۋلى وقۋ ورنىنىڭ گرانتىنا يە بولعان. كاتونقاراعاي اۋدانى بويىنشا شاكىرتتەر بىلتىر تەستىلەۋ قورىتىندىسىندا 97 بالل جيناعان. بۇل – وڭىردەگى ەڭ جوعارى كورسەتكىش.
سالتاناتتى جيىندا ءوڭىر باسشىسى ءسوز الىپ, ءبىر اۋداندا ەكى بىردەي ەلەۋلى وقيعانىڭ بولۋى ەل ەكونوميكاسىنىڭ ارتقانىنىڭ كۋاسى ەكەنىنە توقتالا كەتتى. مەكتەپ سىنىپتارى قاجەتتى قۇرال-جابدىقتارمەن, ال قۇرىلىسى 2 ملرد. 50 ميلليون قارجىعا تۇسكەن اۋرۋحانا قازىرگى زامانعى جابدىقتارمەن قامتاماسىز ەتىلگەن.
وڭداسىن ەلۋباي, شىعىس قازاقستان وبلىسى.