وسكەمەندە جەدەل جاردەم اۋرۋحاناسىنىڭ تراۆماتولوگيالىق بولىمىندە اES كومپانيالار توبىمەن قارجىلاندىرىلعان كۇيىك ورتالىعى اشىلدى. ورتالىقتىڭ اشىلۋ سالتاناتىنا وبلىس اكىمىنىڭ ورىنباسارى سەرىك تاۋكەباەۆ, دەنساۋلىق ساقتاۋ باسقارماسىنىڭ جانە اES كورپوراتسياسىنىڭ باسشىلارى قاتىستى.
ءوندىرىسى دامىعان وسكەمەندە كۇيىك ورتالىعىن اشۋ بۇرىن دا ءسوز بولىپ كەلگەن. وسىدان ءبىر جارىم جىل بۇرىن وبلىس اكىمى مەن كورپوراتسيا باسشىلارى اراسىندا كورپوراتيۆتىك الەۋمەتتىك جاۋاپكەرشىلىك تۋرالى مەموراندۋمعا قول دا قويىلعان. اتالعان كەلىسىم بويىنشا ەنەرگەتيكتەر 3 جىلدىڭ ىشىندە زاماناۋي كۇيىك ورتالىعىن اشۋ ءۇشىن 300 مىڭ اقش دوللارىن سالۋعا مىندەتتەنگەن.
ەندى, مىنە, اينالاسى ءبىر جىلدىڭ ىشىندە اۋرۋحانا ىسكە قوسىلدى. كۇيىك ورتالىعىنىڭ ەكى مامانى ءماسكەۋدەگى ۆيشنەۆسكي اتىنداعى ينستيتۋتتا بىلىكتىلىكتەرىن جەتىلدىرىپ قايتتى. ءوڭىر باسشىسىنىڭ ورىنباسارى سەرىك شاۋەن ۇلى كورپوراتسيا باسشىلارىنا وبلىس اكىمى ب.ساپارباەۆتىڭ اتىنان العىس ايتىپ, ريزاشىلىعىن ءبىلدىردى.
وڭداسىن ەلۋباي, شىعىس قازاقستان وبلىسى.