ەلىمىزدە العاش رەت قىز بالالار اسكەري ماماندىق الىپ شىعادى. وسى جىلى قورعانىس مينيسترلىگىنىڭ باستاماسى بويىنشا بارلىق ازاماتتىق جوعارى وقۋ ورىندارىنداعى اسكەري كافەدرالاردا ستۋدەنت قىزدارعا ارنالعان ماماندىقتار اشىلدى. اسكەري كافەدراعا وقۋعا ءتۇسۋ ءۇشىن ولار مەديتسينالىق كۋالاندىرۋدان ءوتىپ, دەنەشىنىقتىرۋ دايارلىعى بويىنشا نورماتيۆتەر مەن پسيحولوگيالىق تەستىلەۋ تاپسىرۋ قاجەت. ال بارلىق كورسەتكىشتەر كوميسسيا وتىرىسىندا قارالادى.
– اسكەري كافەدرادا ءبىلىم بەرە وتىرىپ, ءبىز قىزدارعا بىردەن قارۋلى كۇشتەرىنىڭ وفيتسەرى رەتىندە ءوزىن ايقىنداۋعا مۇمكىندىك بەرەمىز. ول ءۇشىن قازاقستانداعى بارلىق جوعارى وقۋ ورىندارىنان اسكەري ماماندىق اشتىق. وقۋ اياقتالعاننان كەيىن بارلىق ۇيرەنۋشىلەرگە «زاپاستاعى لەيتەنانت» اسكەري اتاعى بەرىلەدى جانە ولار اۆتوماتتى تۇردە قارۋلى كۇشتەرىنىڭ جۇمىلدىرۋ رەزەرۆىنە ەنگىزىلەدى, – دەدى قورعانىس مينيسترلىگى ءبىلىم جانە عىلىم دەپارتامەنتىنىڭ باستىعى ايگۇل تولەمباەۆا.
ايتا كەتەيىك, اتالعان ماماندىقتى يگەرۋ بارىسىندا قىزدار ەر بالالارمەن بىرگە ساپتىق, جاۋىنگەرلىك دايارلىق, جارعى, ءاسكەري توپوگرافيا سەكىلدى پاندەردى وقىپ, وسى باعىتتاعى عىلىممەن اينالىسا الادى.
تالعات رايىمبەك,
«ەگەمەن قازاقستان».