اقش تاۋەلسىزدىگىنىڭ 250 جىلدىعىنا وراي ەلدە شەكتەۋلى سەريامەن دونالد ترامپتىڭ بەينەسى بار جاڭا پاسپورتتار شىعارۋ جوسپارلانىپ وتىر. قۇجاتتىڭ سىرتقى كەلبەتى جاڭارتىلعانىمەن, قاۋىپسىزدىك تالاپتارى بۇرىنعىداي ساقتالادى, دەپ جازادى Egemen.kz.
Fox News مالىمەتىنشە, بۇل باستامانى اقش مەملەكەتتىك دەپارتامەنتى قولعا العان. جاڭا ۇلگىدەگى پاسپورتتىڭ ىشكى مۇقاباسىنا ترامپتىڭ پورترەتى, تاۋەلسىزدىك دەكلاراتسياسىنىڭ ءماتىنى, مەملەكەتتىك تۋ جانە التىن تۇستەس قولتاڭبا بەينەلەنەدى. ال باسقا بەتىندە دەكلاراتسياعا قول قويۋ ساتىندەگى اقش-تىڭ نەگىزىن قالاۋشىلاردىڭ سۋرەتى ورنالاستىرىلادى.
ۆاشينگتوندا تاعى دا اتىس بولدى: دونالد ترامپ شۇعىل تۇردە ەۆاكۋاتسيالاندى
مەرەيتويلىق پاسپورتتار شىلدە ايىندا اينالىمعا شىعارىلادى. قۇجاتتىڭ ديزاينى جاڭارتىلعانىمەن, ونىڭ قاۋىپسىزدىك تالاپتارى وزگەرىسسىز قالادى.
سونداي-اق مۇقابا بەزەندىرىلۋىندە دە وزگەرىستەر بار. «United States of America» جازۋى ۇلكەيتىلىپ, ەلتاڭبانىڭ ۇستىڭگى جاعىنا ورنالاستىرىلادى. ال قۇجاتتىڭ ارتقى بەتىندە 13 جۇلدىزدىڭ ورتاسىنا «250» سانى جازىلعان مەملەكەتتىك تۋ بەينەلەنەدى. جاڭا پاسپورتتى ءوتىنىش بەرگەن كەز كەلگەن اقش ازاماتى الا الادى.
مەرەيتوي شەڭبەرىندە بۇدان بولەك, دونالد ترامپتىڭ قولتاڭباسى قويىلعان دوللار كۋپيۋرالارى مەن ونىڭ بەينەسى بەدەرلەنگەن ءىرى التىن مونەتا شىعارۋ دا جوسپارلانىپ وتىر.
ترامپقا قاستاندىق جاساماق بولعان كۇدىكتى ءومىر بويىنا سوتتالۋى مۇمكىن