تۇركىستان وبلىسىندا بىرنەشە كۇننەن بەرى ساقتالعان اپتاپ ىستىق جولداردىڭ جاعدايىنا اسەر ەتە باستادى. جوعارى تەمپەراتۋرا سالدارىنان شىمكەنت – تۇركىستان تاسجولىندا جانە سولتۇستىك اينالما جولدا اسفالت جابىنىنىڭ دەفورماتسيالانۋ فاكتىلەرى تىركەلدى, دەپ حابارلايدى Egemen.kz.
وسىعان بايلانىستى پوليتسيا قىزمەتكەرلەرى اتالعان ۋچاسكەلەردە كۇشەيتىلگەن رەجيمدە جۇمىس ىستەپ جاتىر. ال «قازاۆتوجول» ماماندارى جۇرگىزگەن مونيتورينگ ناتيجەسىندە جولدىڭ ءتورت بولىگىندە اقاۋ انىقتالعان.
قوزعالىس قاۋىپسىزدىگىن قامتاماسىز ەتۋ ماقساتىندا قاۋىپتى اۋماقتارعا ۋاقىتشا جول بەلگىلەرى قويىلىپ, ارنايى بريگادالار جوندەۋ جۇمىستارىن باستاپ كەتتى. قازىر ماماندار جول پليتالارىن قالپىنا كەلتىرىپ, اسفالتقا تۇسەتىن قىسىمدى ازايتۋ شارالارىن اتقارىپ جاتىر.
«قازاۆتوجول» ۇك» اق تۇركىستان وبلىستىق فيليالىنىڭ ديرەكتورى ەربول پىرىمبەتوۆتىڭ ايتۋىنشا, وڭىردە سوڭعى ەكى اپتاعا جۋىق ۋاقىت بويى قاتتى ىستىق ساقتالىپ تۇر. اۋا تەمپەراتۋراسى كەي جەرلەردە +42 گرادۋسقا دەيىن جەتكەن.
25 جىل جوندەۋ كورمەيتىن جول: اياگوزدىك وقۋشى پلاستيك قالدىقتاردان ەكو-اسفالت جاساپ شىعاردى
ونىڭ سوزىنشە, قازىرگى تاڭدا انىقتالعان ءتورت ۋچاسكەدە قالپىنا كەلتىرۋ جۇمىستارى جالعاسىپ جاتىر. ماماندار الداعى ءبىر اي بويى اۋا رايىن تۇراقتى باقىلاپ, قاجەت بولعان جاعدايدا تاۋلىك بويى كەزەكشىلىك ۇيىمداستىرماق.
اقتاۋ اۋەجايىنىڭ ۇشۋ-قونۋ جولاعىنا جەرگىلىكتى اسفالتبەتون توسەلدى
ايتا كەتەيىك, بۇعان دەيىن «قازگيدرومەت» 2026 جىلعى ماۋسىم ايىندا ەلىمىزدىڭ وڭتۇستىك وڭىرلەرىندە اۋا تەمپەراتۋراسى كليماتتىق نورمادان جوعارى بولاتىنىن بولجاعان ەدى.