پروديۋسەر بايان الاگوزوۆا حالىق ءارتىسى مەرۋەرت وتەكەشوۆاعا ءومىر بويى اي سايىن 1 ميلليون تەڭگە كولەمىندە تولەم جاساپ تۇراتىنىن مالىمدەدى. بۇل شەشىمدى ول جۇبايى تۇرسىنعالي الاگوزوۆپەن بىرگە قابىلداعان, دەپ حابارلايدى Egemen.kz.
پروديۋسەر بۇل قادامدى اكتريسانىڭ قازاق ونەرىنە قوسقان زور ۇلەسى مەن «قىز جىبەك» فيلمىندەگى اڭىزعا اينالعان رولىنە قۇرمەت رەتىندە جاساعانىن ايتتى. سونىمەن قاتار ول اكتريساعا ارناپ بايقاۋ وتكىزۋدى جوسپارلاپ وتىر.
بايان الاگوزوۆا وزىندە ساقتاۋلى تۇرعان «قىز جىبەك» فيلمىندەگى كامزول تۋرالى دا ايتتى. ونىڭ سوزىنشە, تاريحي كيىم قازىرگى تاڭدا قاۋىپسىز جەردە ساقتاۋلى جانە بولاشاقتا مۋزەيگە تاپسىرىلۋى مۇمكىن.
سونداي-اق ول ەلدەگى اعا بۋىن ونەر ادامدارىنىڭ ەڭبەگى ەسكەرۋسىز قالماۋى كەرەگىن ايتىپ, كاسىپكەرلەر مەن مەتسەناتتاردى تانىمال تۇلعالارعا قولداۋ كورسەتۋگە شاقىردى.