استانادا قۇرباندىق شالۋ ءراسىمى وتەتىن ورىندار بەلگىلەندى

كوممۋنيكاتسيالار قىزمەتىندە وتكەن بريفينگتە حابارلانعانداي, ايت نامازى 27 مامىر كۇنى تاڭعى ساعات 06:00-دە قالانىڭ بارلىق مەشىتىندە وقىلادى.

بيىل قۇربان ايت مەرەكەسى ەرەكشە فورماتتا تويلانباق: باس ءمۇفتي ماڭىزدى مالىمدەمە جاسادى

قۇرباندىق شالۋ ءراسىمى كۇن سايىن ساعات 07:00-دەن 18:00-گە دەيىن تەك رەسمي تۇردە بەكىتىلگەن ورىنداردا عانا جۇرگىزىلەدى. وسى ماقساتتا ەلوردادا بەس مامانداندىرىلعان الاڭ بەلگىلەندى: • بايقوڭىر اۋدانى: «شانحاي» بازارى – الاش تاسجولى, 34/6; • «باراكات» بازارى – ا 369 كوشەسى, 10; • «جايلاۋ» بازارى – الاش تاسجولى, تس 313 كوشەسى; • «شاۋشەن» شارۋا قوجالىعى – الاش تاسجولى, 136ب. • الماتى اۋدانى: «ەت-حان» ەت تسەحى – تەمىرجولشىلار تۇرعىن الابى, اقجار كوشەسى, 20. قۇرباندىق شالۋ ءراسىمىن ارنايى بەلگىلەنگەن ورىنداردان تىس جەردە وتكىزۋگە بولمايدى. مەرەكە قارساڭىندا تۇرعىندار سانيتارلىق-ەپيدەميولوگيالىق جانە ۆەتەريناريالىق تالاپتاردى ساقتاۋى قاجەت. ماماندار ەتتى تەك تەكسەرىلگەن ورىنداردان ساتىپ الۋدى, ءونىمنىڭ ساقتالۋ جاعدايىنا نازار اۋدارۋدى, سونداي-اق جەكە گيگيەنا مەن سانيتارلىق قاۋىپسىزدىك ەرەجەلەرىن ساقتاۋدى ۇسىنادى.

سونىمەن قاتار, مال سويۋدان قالعان قالدىقتاردى بەلگىلەنگەن تارتىپپەن كادەگە جاراتۋ قاجەت, ولاردى قاتتى تۇرمىستىق قالدىقتارعا ارنالعان كونتەينەرلەرگە تاستاۋعا تىيىم سالىنادى.