استانادا كوپقاباتتى تۇرعىن ۇيدەن ورتكە سۋ سەبەتىن تۇتىك قۇبىر ۇرلاندى, دەپ حابارلايدى Egemen.kz
«30 جاستاعى ەر ادام بىرنەشە كۇن بويى ب.مومىش ۇلى داڭعىلىندا ورنالاسقان تۇرعىن ءۇيدىڭ كىرەبەرىسىنەن ءورت ءسوندىرۋ جەڭدەرىن جاسىرىن تۇردە الىپ شىعىپ وتىرعان. بارلىعى 28 ءورت ءسوندىرۋ جەڭى ۇرلانعان, ونىڭ 10-ىن ساتىپ ۇلگەرگەن. كەلتىرىلگەن ماتەريالدىق شىعىن كولەمى شامامەن 360 مىڭ تەڭگەنى قۇرادى», دەپ حابارلادى استانا قالاسى الماتى اۋداندىق پوليتسيا بولىمىنەن.
كۇدىكتى ءوز كىناسىن مويىندادى. قازىرگى ۋاقىتتا ونىڭ ەلوردا اۋماعىندا جاسالعان وسىعان ۇقساس وزگە دە قىلمىستارعا قاتىسى بار-جوعى تەكسەرىلۋدە.