2026 جىلدىڭ باسىنان بەرى مەملەكەتتىك ەڭبەك ينسپەكتورلارى رەسپۋبليكا بويىنشا مىڭداعان جۇمىسكەردىڭ ەڭبەك قۇقىعىن قورعاپ, جالاقى بەرەشەگىن ءوندىرىپ الۋ باعىتىندا ناقتى شارالار قابىلدادى. ناتيجەسىندە 18,5 مىڭنان استام ازاماتتىڭ قۇقىعى قالپىنا كەلتىرىلدى, دەپ جازادى Egemen.kz.
1 ساۋىردەگى جاعداي بويىنشا مەملەكەتتىك ەڭبەك ينسپەكتورلارى 140 كاسىپورىندا 1,1 مىڭنان استام جۇمىسكەر الدىندا 642 ملن تەڭگەدەن اساتىن جالاقى بەرەشەگىن انىقتادى. سونىمەن قاتار تەكسەرۋلەر بارىسىندا 2 مىڭنان استام ەڭبەك قۇقىعىنىڭ بۇزىلۋى تىركەلدى.
انىقتالعان زاڭبۇزۋشىلىقتارعا بايلانىستى كاسىپورىن باسشىلارىنا ورىنداۋعا مىندەتتى 1 110 نۇسقاما بەرىلىپ, جالپى سوماسى 136,5 ملن تەڭگەدەن اساتىن ايىپپۇل سالىندى.
قابىلدانعان شارالاردىڭ ناتيجەسىندە, اسىرەسە جالاقى قارىزىن وتەۋدىڭ ناقتى مەرزىمدەرى مەن قاتاڭ كەستەسىن بەلگىلەۋ ارقىلى, 7 مىڭ جۇمىسكەردىڭ قۇقىعى قورعالىپ, ولارعا 463,3 ملن تەڭگە تولەندى.
ونەركاسىپ قىزمەتكەرلەرى «ناۋرىز جۇمىسكەر» يگىلىگىن كوردى
ەڭبەك جانە حالىقتى الەۋمەتتىك قورعاۋ مينيسترلىگى ەڭبەك زاڭناماسىنىڭ ساقتالۋىن ەرەكشە باقىلاۋدا ۇستاپ وتىرعانىن مالىمدەدى.
جالپى, 2026 جىلعى 1 ساۋىرگە دەيىن مەملەكەتتىك ەڭبەك ينسپەكتورلارى 1 723 تەكسەرۋ جۇرگىزىپ, ونىڭ بارىسىندا 2 065 قۇقىقبۇزۋشىلىق انىقتاعان. ونىڭ ىشىندە ەڭبەك قاتىناستارى سالاسىندا – 1 735, ەڭبەك قاۋىپسىزدىگى جانە ەڭبەكتى قورعاۋ بويىنشا – 305, حالىقتى جۇمىسپەن قامتۋ باعىتىندا – 25 دەرەك تىركەلگەن.
جۇرگىزىلگەن جۇيەلى جۇمىستاردىڭ ناتيجەسىندە 17,5 مىڭ جۇمىسكەردىڭ ەڭبەك قۇقىعى قورعالدى.
ەلدەگى كاسىپورىندار جۇمىسكەرلەرگە 2,3 ملرد تەڭگە جالاقى تولەمەگەن