رەسەي پرەزيدەنتى ۆلاديمير ءپۋتيننىڭ قازاقستانعا مەملەكەتتىك ساپارى اياسىندا سىيعا تارتىلعان تورت امۋر جولبارىسىنا ەسىم بەرىلدى, دەپ حابارلايدى Egemen.kz.
اتالىق جولبارىسقا امۋر, انالىق جولبارىسقا ءۇمىت ەسىمى بەرىلدى. ال ولاردىڭ كۇشىكتەرى تۇران جانە ۋسسۋري دەپ اتالدى.
قازاقستانعا جەتكىزىلگەننەن كەيىن جانۋارلار «ىلە-بالقاش» مەملەكەتتىك تابيعي رەزەرۆاتىنىڭ ارنايى دايىندالعان ۆولەرلەرىنە ورنالاستىرىلدى. قازىرگى ۋاقىتتا ولار بەيىمدەلۋ كەزەڭىنەن ءوتىپ جاتىر.
مامانداردىڭ سوزىنشە, جولبارىستار جاڭا تابيعي-كليماتتىق جاعدايلارعا ءساتتى بەيىمدەلىپ جاتىر.
«الداعى ۋاقىتتا بەيىمدەلۋ كەزەڭى مەن جانۋارلاردىڭ جاعدايىن كەشەندى باعالاۋ اياقتالعاننان كەيىن ولاردى تابيعي ورتاعا جىبەرۋگە دايىندىق جۇرگىزىلەدى. جىبەرۋ الدىندا جولبارىستار سپۋتنيكتىك قارعىباۋلارمەن جابدىقتالادى. بۇل ولاردىڭ قوزعالىسىن تۇراقتى باقىلاۋعا جانە مامانداردىڭ جەدەل سۇيەمەلدەۋىن قامتاماسىز ەتۋگە مۇمكىندىك بەرەدى», دەلىنگەن ەكولوگيا جانە تابيعي رەسۋرستار مينيسترلىگىنىڭ حابارلاماسىندا.
باعالى سىي: قازاقستان اۋماعىنا ءتورت امۋر جولبارىسى اكەلىندى
ەسكە سالايىق, 27 مامىردا رەسەي پرەزيدەنتى ۆلاديمير پۋتين قازاقستانعا مەملەكەتتىك ساپارمەن كەلدى. ساپار اياسىندا قازاقستانعا ءتورت امۋر جولبارىسىنىڭ اكەلىنۋىن قاسىم-جومارت توقاەۆ ايتۋلى وقيعا دەپ اتادى.