اقمولا وبلىسىندا جىلقى تاپتاپ كەتكەن 3 جاسار بالا اۋىر جاراقات الدى. وقيعا 5 ماۋسىم كۇنى تالاپكەر اۋىلىندا بولعان, دەپ حابارلايدى Egemen.kz.
«اتالعان فاكتى بويىنشا قىلمىستىق ءىس قوزعالدى. بالا مەديتسينالىق مەكەمەگە جاتقىزىلدى. قازىر وقيعانىڭ ءمان-جايىن انىقتاۋ ماقساتىندا تەرگەۋ امالدارى جۇرگىزىلىپ جاتىر», دەپ مالىمدەدى پوليتسيا وكىلدەرى.
اقتاۋدا ەرەكشە كۇتىمدى قاجەت ەتەتىن بالا جاراقات الدى: تەرگەۋ باستالدى
كەيبىر دەرەككوزدەردىڭ مالىمەتىنشە, وقيعا ات جارىسى كەزىندە بولعان. شاباندوزداردىڭ ءبىرى جىلقىنى باسقارا الماي قالىپ, سالدارىنان بالا زارداپ شەككەن.
قازىرگى تاڭدا ءبۇلدىرشىن استاناداعى كوپسالالى اۋرۋحانانىڭ جانساقتاۋ بولىمىندە ەم قابىلداپ جاتىر. دارىگەرلەر ونىڭ ىشكى اعزالارىنا اۋىر زاقىم كەلگەنىن, باۋىرى جىرتىلىپ, قولى سىنعانىن انىقتاعان. بالاعا بىرنەشە وتا جاسالعان.
دارىگەرلەردىڭ ايتۋىنشا, بالانىڭ جاعدايى ءالى دە اۋىر كۇيىندە قالىپ وتىر.
اقتوبە وبلىسىندا 11 جاستاعى بالا ويىن الاڭىندا اۋىر جاراقات الدى
ەسكە سالايىق, بۇعان دەيىن تارازداعى مەكتەپ اۋماعىندا بيىكتىكتەن قۇلاعان وقۋشى اۋىر جاراقات العانى تۋرالى جازدىق.