حالىقارالىق فۋتبول فەدەراتسياسى (فيفا) 2026 جىلعى الەم چەمپيوناتىنىڭ اشىلۋ سالتاناتىن ءۇش ەلدە وتكىزەدى, دەپ حابارلايدى Egemen.kz.
العاشقى اشىلۋ ءراسىمى 11 ماۋسىمنان 12-نە قاراعان ءتۇنى مەحيكو قالاسىنداعى «اتستەكا» ستاديونىندا وتەدى. سالتاناتتى راسىمنەن كەيىن مەكسيكا مەن وڭتۇستىك افريكا قۇرامالارى ءتۋرنيردىڭ العاشقى ويىنىن وتكىزەدى. ماتچتار تىكەلەي ەفيردە «Qazaqstan» جانە «Qazsport» تەلەارنالارىنان كورسەتىلەدى.
12 ماۋسىم كۇنى چەمپيوناتتىڭ رەسمي اشىلۋ سالتاناتى كانادادا, تورونتو قالاسىنداعى «BMO Field» ستاديونىندا وتەدى. راسىمنەن كەيىن كانادا مەن بوسنيا جانە گەرتسەگوۆينا قۇرامالارى كەزدەسەدى.
فۋتبولدان الەم چەمپيوناتى-2026: ويىنداردىڭ تولىق كەستەسى مەن ۋاقىتى بەلگىلى بولدى
13 ماۋسىم تاڭەرتەڭ اقش-تا, لوس-اندجەلەستەگى «SoFi Stadium» ارەناسىندا ءۇشىنشى اشىلۋ سالتاناتى ۇيىمداستىرىلادى. وسىدان سوڭ اقش پەن پاراگۆاي كوماندالارى وينايدى.
ەسكە سالا كەتەيىك, بيىل العاش رەت ءۇش ەلدە وتەتىن تۋرنير سولتۇستىك امەريكانىڭ 16 قالاسىندا ۇيىمداستىرىلادى. ماتچتاردىڭ باسىم بولىگى اقش اۋماعىندا وتەدى. سونىمەن قاتار كانادا مەن مەكسيكا دا الەم چەمپيوناتىنىڭ ماڭىزدى ويىندارىن قابىلدايدى.