سوڭعى اپتادا جايدارمانشى جانە فيلولوگ مامانداردىڭ قازاقستان كۇرەس فەدەراتسياسىنا جاۋاپتى قىزمەتتەرگە تاعايىندالۋى الەۋمەتتىك جەلىدە قىزۋ تالقىلاندى, دەپ حابارلايدى Egemen.kz.
اتاپ ايتقاندا, بۇرىنعى جايدارمانشى مانسار ورىنحان تۇركىستان وبلىسى كۇرەس فەدەراتسياسىنىڭ مەديا سالاسى بويىنشا ۆيتسە-پرەزيدەنتى بولىپ تاعايىندالدى. ال كەشە فيلولوگيا عىلىمدارىنىڭ ماگيسترى نۇراددين سادىق قازاقستان كۇرەس فەدەراتسياسىنىڭ اتقارۋشى ۆيتسە-پرەزيدەنتى قىزمەتىنە كىرىستى.
گرەك-ريم كۇرەسىنەن بىشكەكتە ءتورت جۇلدە الدىق
قوعامدىق پىكىردىڭ تۋىنداۋىنا نەگىزگى سەبەپ – ەكى تۇلعانىڭ دا كۇرەس سالاسىنان تىس باعىتتاردا تانىمال بولۋى. ماسەلەن, مانسار ورىنحان جايدارمانشى, بلوگەر ءارى ءارتىس رەتىندە كەڭىنەن تانىلسا, نۇراددين سادىقتىڭ نەگىزگى ماماندىعى – فيلولوگ. دەگەنمەن ول 2018 جىلى قازاق سپورت جانە تۋريزم اكادەمياسىن «دەنە شىنىقتىرۋ جانە سپورت» ماماندىعى بويىنشا تامامداعان. سوڭعى جىلدارى OCTAGON ارالاس جەكپە-جەك ليگاسىن قۇرىپ, ونى تابىستى باسقارىپ كەلەدى جانە «قۇرمەتتى سپورت قىزمەتكەرى» توسبەلگىسىنىڭ يەگەرى.
تۇركىستان وبلىسى كۇرەس فەدەراتسياسىنىڭ توراعاسى نۇربول ەرەباەۆ مانسار ورىنحاننىڭ الەۋمەتتىك جەلىلەردە 800 مىڭنان استام جازىلۋشىسى بار ەكەندىگى نەگىزگى فاكتورلاردىڭ ءبىرى بولعاندىعىن اتاپ وتكەن بولاتىن.
ەركىن كۇرەس شەبەرلەرى بىشكەكتە قوس قولانى قاناعات تۇتتى
سونىمەن قاتار, ونىڭ تاعايىنداۋدان كەيىنگى العاشقى جالاقىسىنا قاتىستى ءازىل ۆيدەوسى دا جەلىدە ءتۇرلى پىكىر تۋعىزدى. ءبىر بولىگى بۇل شەشىمدى سىنعا الىپ, سپورت سالاسىنا كاسىبي ماماندار كەلۋى كەرەك ەكەنىن ايتسا, ەندى ءبىر بولىگى فەدەراتسيانىڭ جاڭا كادرلىق ساياساتتاعى كرەاتيۆتى قادامىن قولداعان.