اباي وبلىسىندا تۇراتىن 47 جاستاعى ايەلدى ۇزاق ۋاقىت ەشتەڭە مازالاماعان. ىسىك پنەۆمونيامەن اۋىرىپ, اۋرۋحاناعا تەكسەرىلۋگە بارعان كەزدە انىقتالعان, دەپ حابارلايدى Egemen.kz.
ناۋقاس ءىشىنىڭ ۇلكەيگەنىن جانە تابەتىنىڭ تومەندەگەنىن ايتقان. دارىگەرلەر الدىمەن ونىڭ ءىش قۋىسىنان 7 ليتر سۇيىقتىق شىعاردى. كەيىن بىرنەشە ساعاتقا سوزىلعان كۇردەلى وتا بارىسىندا ديامەترى 31 سانتيمەتر, سالماعى 6200 گرامم ىسىك الىندى.
پەتروپاۆلدا العاش رەت ومىرتقاعا كۇردەلى وتا جاسالدى
نەگىزگى دياگنوز – سول جاق انالىق بەزدەگى مۋتسينوزدى شەكارالىق ىسىك. بۇل دەرت ۇزاق ۋاقىت بەلگىسىز ءوتۋى مۇمكىن. قازىر ايەل دارىگەرلەردىڭ باقىلاۋىندا, ومىرىنە قاۋىپ جوق.