ءماجىلىس دەپۋتاتتارى قازىرگى مەديتسينالىق ءبىلىم بەرۋ مودەلى ستۋدەنتتەرگە جەتكىلىكتى تاجىريبە بەرمەيتىندىگىن اتاپ ءوتىپ, وقۋ مەرزىمىن تاعى ءبىر جىلعا ۇزارتۋدى ۇسىندى, دەپ حابارلايدى Egemen.kz.
ءماجىلىس دەپۋتاتى اسحات ايماعامبەتوۆتىڭ ايتۋىنشا, قازىرگى جۇيەدە ستۋدەنتتەر ۇزاق وقۋدان كەيىن دە تولىققاندى پراكتيكالىق داعدىلارسىز قالادى.
«ستۋدەنتتەردىڭ وقۋ مەرزىمى التى جىلدى قۇرايدى. ودان كەيىن التى ايعا سوزىلاتىن ينتەرناتۋرا كەزەڭى بار, وندا ستۋدەنتتەر ستاتسيونار جاعدايىندا ناقتى زاڭدى مارتەبەسىز جۇمىس ىستەيدى, مەديتسينالىق جۇيەلەرگە تولىق قول جەتكىزە المايدى جانە ەمدىك مانيپۋلياتسيالارعا قاتىسۋعا قۇقىعى جوق. التى جىلدىق وقۋدى اياقتاعان تۇلەكتەر رەزيدەنتۋرادان وتپەيىنشە جۇمىسقا ورنالاسا المايدى. رەزيدەنتۋرانىڭ ۇزاقتىعى ەكى جىلدان ءتورت جىلعا دەيىن سوزىلادى. سونىمەن قاتار, مەملەكەتتىك گرانتتار سانى شەكتەۋلى بولعاندىقتان, وقۋ كوبىنەسە اقىلى نەگىزدە جۇزەگە اسادى», دەدى ول.
الماتىداعى مەديتسينالىق مەكەمە ناۋقاستاردىڭ دەنساۋلىعىنا قاۋىپ توندىرەتىن قۇرىلعىلاردى پايدالانعان
وسىعان بايلانىستى دەپۋتات مەديتسينالىق ءبىلىم بەرۋ جۇيەسىن وزگەرتىپ, وقۋ مەرزىمىن جەتى جىلدىق مودەلگە اۋىستىرۋدى ۇسىندى. ونىڭ ىشىندە التى جىل تەوريالىق وقۋ جانە ءبىر جىل مەديتسينالىق ۇيىمداردا تولىققاندى پراكتيكالىق ينتەرناتۋرا قاراستىرىلۋى كەرەكتىگى ايتىلدى.