الماتى قالاسىنداعى تۇنگى كلۋبتاردىڭ بىرىندە قوعامدىق ءتارتىپتى ورەسكەل بۇزۋ فاكتىسى انىقتالدى, دەپ حابارلايدى Egemen.kz.
مەدەۋ اۋداندىق پوليتسيا باسقارماسىنىڭ قىزمەتكەرلەرى كلۋبتا ءوزىن ءانشى رەتىندە تانىتقان ازاماتتىڭ بەيادەپ قىلىق جاساپ, قوعامدىق ءتارتىپتى بۇزىپ, بالاعات سوزدەر ايتقاندىعىن انىقتادى. ونىڭ ادەپسىز ۆيدەوسى الەۋمەتتىك جەلىلەردە تاراعانى كورسەتىلگەن.
بۇل فاكت بويىنشا قۇقىق ۇساق بۇزاقىلىق ءۇشىن جاۋاپقا تارتىلدى. الماتى قالاسىنىڭ مامانداندىرىلعان اكىمشىلىك سوتىنىڭ شەشىمىمەن وعان 20 اەك مولشەرىندە اكىمشىلىك ايىپپۇل تاعايىندالدى.
پوليتسيا دەپارتامەنتى مۇنداي ارەكەتتەرگە جول بەرىلمەيتىنىن جانە قوعامدى قۇرمەتتەمەۋدىڭ تىكەلەي كورىنىسى ەكەنىن اتاپ ءوتتى. مارتەبەسى مەن جاريالىلىعىنا قاراماستان, اركىم قوعامدىق ورىنداردا زاڭ مەن مىنەز-ق ۇلىق نورمالارىن ساقتاۋعا مىندەتتى.