شىمكەنت قالاسىندا جەكە تۇرعىن ءۇي اۋماعىندا 14 جاستاعى بالا ابايسىزدا تەرەڭدىگى شامامەن 12 مەتر بولاتىن سۋى جوق قۇدىققا قۇلاپ كەتكەن, دەپ حابارلايدى Egemen.kz.
وقيعا ورنىنا كەلگەن تجم قىزمەتكەرلەرى ارنايى جابدىقتىڭ كومەگىمەن قۇتقارۋ وپەراتسياسىن جۇرگىزدى.
«اجال اياق استىندا»: قوس جۇمىسشى قۇدىقتا كوز جۇمدى
زارداپ شەككەن بالا قۇدىقتان شىعارىلىپ, جەدەل جاردەم بريگاداسىنا تاپسىرىلدى.
«بالالاردى قاراۋسىز قالدىرماڭىزدار جانە ولاردىڭ قاۋىپسىزدىگىن قاداعالاڭىزدار. اشىق قۇدىقتارعا, ليۋكتەرگە جانە باسقا دا قاۋىپتى نىساندارعا ەرەكشە نازار اۋدارىڭىزدار. توتەنشە جاعداي كەزىندە 112 نومىرىنە دەرەۋ حابارلاسىڭىز», دەلىنگەن حابارلامادا.
بۇعان دەيىن استانادا كوپقاباتتى ۇيدەن ءورت شىعىپ, 9 بالا قۇتقارىلعانىن حابارلاعان ەدىك.