«استانا قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى» مم تۇران داڭعىلىنان قابانباي باتىر داڭعىلىنا دەيىنگى ۋچاسكەدە قورعالجىن تاس جولىنا جوندەۋ جۇمىستارى جۇرگىزىلەتىنى تۋرالى مالىمدەدى, دەپ حابارلايدى Egemen.kz.
اتالعان جۇمىستار مەردىگەر ۇيىمنىڭ قاراجاتى ەسەبىنەن كەپىلدىك مىندەتتەمەلەر شەڭبەرىندە جۇرگىزىلەدى. وسى ورايدا بۇگىن, 7 ماۋسىم كۇنى اتالعان ۋچاسكە ءىشىنارا جابىلادى. بۇل رەتتە اۆتوكولىك قۇرالدارىنىڭ قوزعالىسى تاراپتاردىڭ ءبىرى بويىنشا ەكى باعىتتا دا جۇزەگە اسىرىلادى.
«ەلوردا تۇرعىندارى مەن قوناقتارىن قالا جولدارىنداعى كەپتەلىستەردى بولدىرماۋ ماقساتىندا ءوز مارشرۋتتارىن الدىن الا جوسپارلاۋدى سۇرايمىز. ۋاقىتشا قولايسىزدىقتار ءۇشىن كەشىرىم سۇرايمىز جانە جول جوندەۋ جۇمىستارىن جۇرگىزۋگە تۇسىنىستىكپەن قاراۋدى سۇرايمىز», دەلىنگەن حابارلامادا.
بۇعان دەيىن, 7 ماۋسىم كۇنى Astana Half Marathon جارىسى وتۋىنە بايلانىستى بىرقاتار كوشەدە كولىك قوزعالىسىنا ۋاقىتشا شەكتەۋ ەنگىزىلەتىنى تۋرالى حابارلاعان ەدىك.