قىرعىزستاندا سەل كەزىندە مەكتەپ وقۋشىسى جوعالىپ كەتكەن

Sputnik قىرعىزستاننىڭ مالىمدەۋىنشە, 5 ماۋسىم كۇنى كەشكى ساعات 20:00 شاماسىندا نوسەر جاڭبىردىڭ سالدارىنان تاۋ بەتكەيى وپىرىلىپ, سەل اعىندارىمەن ارالاسىپ, بالىقشى – انانەۆو – قاراكول اۆتوجولىنىڭ ءبىر بولىگىن جاۋىپ قالعان. لاي مەن تاس ماسساسى Mercedes-Benz Sprinter جانە Ford Mondeo اۆتوكولىكتەرىن, سونداي-اق ەكى ادامدى باسىپ قالعان. سول كۇنى ساعات 23:35-تە 18 جاستاعى جىگىتتىڭ ءمايىتى تابىلعان.

قىرعىزستان العاش رەت بۇۇ قاۋىپسىزدىك كەڭەسىنىڭ مۇشەسى اتاندى

ىزدەۋ جۇمىستارىنا شامامەن 200 قۇتقارۋشى, پوليتسەيلەر, ازاماتتىق قورعانىس ماماندارى جانە جەرگىلىكتى تۇرعىندار تارتىلىپ, اۋىسىممەن جۇمىس ىستەپ جاتىر.

«سەل اعىنى سالدارىنان حابار-وشارسىز كەتكەن مەكتەپ وقۋشىسىن ىزدەۋ جالعاسىپ جاتىر. ازىرگە ناتيجە جوق, قوسىمشا اقپارات كەيىنىرەك بەرىلەدى», دەپ حابارلادى قىرعىستاننىڭ تج مينيسترلىگى. 

بۇعان دەيىن قىرعىزستاندا مەملەكەتتىك قىزمەتكەرلەرگە ارنالعان جاڭا جۇمىس كيىم ەرەجەسى ەنگىزىلەتىنى تۋرالى حابارلاعان ەدىك.