مەملەكەتكە قايتارىلعان قارجى: بالقاش اۋرۋحاناسى جاڭا كەلبەتكە يە بولدى

بالقاش, پريوزەرسك قالالارىنىڭ, ساياق كەنتىنىڭ, سونداي-اق شەت جانە اقتوعاي اۋداندارىنىڭ تۇرعىندارى جاڭارتىلعان كورپۋستاردا دياگنوستيكا مەن ەم الۋدىڭ جاڭا مۇمكىندىكتەرىنە قول جەتكىزدى.

اۋرۋحانا 340 توسەككە ارنالعان جانە بارلىق دەرلىك بەيىندى بولىمشەلەردى قامتيدى. اۋىلدىق دەنساۋلىق ساقتاۋدى جاڭعىرتۋ جونىندەگى ۇلتتىق جوبا شەڭبەرىندە نەگىزگى عيماراتقا اۋدانى شامامەن 1,4 مىڭ شارشى مەتر بولاتىن جاڭا قوسىمشا كورپۋس سالىندى.

سقو-داعى اۋىلعا قايتارىلعان قارجى ەسەبىنەن اۋىز سۋ قۇبىرى تارتىلدى

مۇندا قولدانىستاعى بارلىق ستاندارتتارعا سايكەس كەلەتىن زاماناۋي قابىلداۋ ءبولىمى ورنالاستىرىلدى. پاتسيەنتتەردىڭ ىڭعايلىلىعى ءۇشىن جوسپارلى جانە شۇعىل ەمدەۋگە جاتقىزۋعا ارنالعان بولەك كىرەبەرىستەر قاراستىرىلعان. ءبىرىنشى قاباتتا ەكى وپەراتسيالىق بولمە – شۇعىل وپەراتسيالارعا جانە جوعارى تەحنولوگيالىق تەرى ارقىلى جاسالاتىن ارالاسۋلارعا ارنالعان وپەراتسيالىق بولمەلەر اشىلدى. وندا جەدەل جۇرەك-قان تامىرلارى اۋرۋلارى كەزىندە كوروناروگرافيا مەن ستەنتتەۋ جۇرگىزىلەدى.

«پاتسيەنتتەردى دياگنوستيكالاۋ جانە ەمدەۋ ءۇشىن قوسىمشا جابدىقتارمەن جاراقتالعان زاماناۋي مونوپلاندىق انگيوگراف, ماگنيتتىك-رەزونانستىق جانە كومپيۋتەرلىك توموگرافتار, MEDRAD Mark 7 Arterion ينەكتسيالىق جۇيەسى, نەيروحيرۋرگيالىق ميكروسكوپ جانە بارلىق قاجەتتى مەديتسينالىق بۇيىمدار ساتىپ الىندى», دەدى اۋرۋحانا ديرەكتورى سەرىكبول تۇسۇپبەكوۆ.

كادرلىق قامتاماسىز ەتۋ تۇرعىسىنان بۇگىندە مۇندا شامامەن 900 قىزمەتكەر, ونىڭ ىشىندە 150-گە جۋىق دارىگەر جۇمىس ىستەيدى.

بيىل ۇجىمعا تراۆماتولوگ, ەكى ساۋلەلىك دياگنوستيكا مامانى جانە ەكى ينتەرۆەنتسيالىق كارديولوگ قوسىلدى. رەزيدەنتۋرانى اياقتاعاننان كەيىن ۋرولوگ, حيرۋرگ جانە تەراپەۆتتەردى قوسا العاندا, تاعى بىرنەشە ماماننىڭ كەلۋى كۇتىلۋدە.

قايتارىلعان قارجى اۋرۋحانا قۇرىلىسىنا جۇمسالدى

توراڭعالىق جانە شۇبارتۇبەك كۋرورتتىق كەنتتەرىندە مەديتسينالىق پۋنكتتەر جۇمىس ىستەيدى. ولارعا جەرگىلىكتى تۇرعىندارمەن قاتار تۋريستەر دە جۇگىنە الادى. مەديتسينالىق پۋنكتتەر قاجەتتى ماماندارمەن جانە مەديتسينالىق كومەك كورسەتۋگە ارنالعان بارلىق قاجەتتى قۇرالدارمەن قامتاماسىز ەتىلگەن.