قىتاي تايۆان ارالىنىڭ شىعىسىنداعى اكۆاتوريادا ارنايى تەڭىز وپەراتسياسىن باستادى. بۇل تۋرالى قىتايدىڭ «سينحۋا» اقپارات اگەنتتىگى حابارلادى, دەپ جازادى Egemen.kz
وپەراتسياعا فۋتسزيان تەڭىز بيۋروسى, گۋاندۋن تەڭىز بيۋروسى, شىعىس قىتاي تەڭىزىنىڭ كەمە قاتىناسى قاۋىپسىزدىگى ورتالىعى جانە شىعىس قىتاي تەڭىزىنىڭ قۇتقارۋ بيۋروسى قاتىسۋدا.
قىتاي تاراپىنىڭ مالىمەتىنشە, وپەراتسيانىڭ نەگىزگى ماقساتى ەلدىڭ يۋريسديكتسياسىن نىعايتۋ, تەڭىزدەگى كەمە قوزعالىسىن باقىلاۋ جانە ولاردىڭ قاۋىپسىزدىگىن قامتاماسىز ەتۋ.
رەسمي بەيجىڭ بۇل قادامدى جاپونيا مەن ءفيليپپيننىڭ تايۆاننىڭ شىعىسىنداعى تەڭىز شەكاراسى بويىنشا كەلىسسوزدەر جۇرگىزۋ تۋرالى مالىمدەمەسىنە جاۋاپ رەتىندە جاساپ وتىرعانىن مالىمدەدى.
ال تايۆاننىڭ جاعالاۋ كۇزەتى اكىمشىلىگى قىتايدىڭ ارەكەتىن حالىقارالىق قۇقىق نورمالارىن بۇزۋ دەپ باعالادى. تايۆان تاراپى جاعدايعا جاۋاپ رەتىندە التى كەمەنى ايماققا جىبەرگەن.
تايۆاندىڭ CNA اگەنتتىگىنىڭ حابارلاۋىنشا, قىتايدىڭ ءتورت كەمەسى سيامەن پورتىنان شىققانىمەن, تايۆاننىڭ اۋماقتىق سۋلارىنا كىرمەگەن.