بۇگىن ءتورت «ۇلكەن دۋلىعا» ءتۋرنيرىنىڭ ءبىرى سانالاتىن فرانتسيانىڭ اشىق چەمپيوناتى باسەكەسىنىڭ فينالدىق ويىنى وتەدى. جۇپتىق باسەكەنىڭ شەشۋشى سىنىندا وتانداسىمىز اننا دانيلينا مەن سەربيالىق الەكساندرا كرۋنيچ, چەحيالىق كاتەرينا سينياكوۆا مەن امەريكالىق تەيلور تاۋنسەندگە قارسى وينايدى, دەپ حابارلايدى Egemen.kz
قازاقستاندىق-سەربيالىق جۇپ «رولان گارروس» تۋرنيرىندە وسىمەن قاتارىنان ەكىنشى فينالعا شىعىپ وتىر. بىلتىر دانيلينا مەن كرۋنيچ فينالدا يتاليالىق جاسمين پاوليني جانە سارا ەرراني جۇبىنا 4:6, 6:2, 1:6 ەسەبىمەن ەسە جىبەرگەن بولاتىن.
بيىل جۇپتىق سىنداعى «رولان گارروس» چەمپيوندارىنىڭ ارقايسىسى 600 مىڭ ەۋرودان سىياقى الىپ, 2000 رەيتينگتىك ۇپايعا يە بولادى.
ەستەرىڭزىگە سالايىق, فينالدىق ويىن 7 ماۋسىم, استانا ۋاقىتى بويىنشا ساعات 14:00-دە باستالادى.