تاتارستان تۇرعىنى ءوز قولىمەن قۇراستىرعان ۇشاعى العاشقى سىناقتا اپاتقا ۇشىرادى. سالدارىنان ۇشقىش وقيعا ورنىندا مەرت بولدى, دەپ حابارلايدى Egemen.kz
قايعىلى وقيعا قازان قالاسىنىڭ ماڭىندا, ارسك اۋدانىنداعى قازانباش اۋىلىنىڭ جانىندا بولعان. تاتارستان بويىنشا رەسەي تجم باس باسقارماسىنىڭ مالىمەتىنشە, قولدان جاسالعان جەڭىل موتورلى ۇشاق قۇلاعان. ۇشاقتى باسقارعان پيلوت وقيعا ورنىندا قازا تاپقان.
ۆەدومستۆونىڭ دەرەگىنە سايكەس, مارقۇم 57 جاستا بولعان. ول اۆياتسيا اۋەسقويى رەتىندە ۇشاقتى ءوز بەتىنشە جوبالاپ, قۇراستىرعان.
قازىر اپاتتىڭ ناقتى سەبەپتەرى انىقتالىپ جاتىر. وقيعاعا بايلانىستى تاتارستان كولىك پروكۋراتۋراسى تەكسەرۋ جۇمىستارىن باستاعان.
اقتاۋ ماڭىنداعى ۇشاق اپاتى: قازا تاپقانداردىڭ تۋىستارىنا وتەماقى تولەندى
رەن تۆ مالىمەتىنشە, اپاتقا ۇشىراعان اۋە كەمەسى رەسمي تىركەۋدەن وتپەگەن. جەڭىل موتورلى ۇشاق قازانباش اۋىلىنداعى شاعىن جەكە اەرودرومدا قۇراستىرىلعان.
ۇشاقتى تىركەۋ ءۇشىن جاقىن كۇندەرى ارنايى كوميسسيا كەلۋى ءتيىس بولعان. الايدا ونىڭ كەلۋىن كۇتپەگەن اۋە كەمەسىنىڭ اۆتورى رۇقساتسىز ۇشۋعا شىققان. سونىڭ سالدارى قايعىلى وقيعا سوقتىرىپ وتىر.