اقمولا وبلىسىنىڭ ءبىرسۋات اۋىلىندا جەرگىلىكتى اگروونەركاسىپ كاسىپورنىنىڭ قاراجاتى ەسەبىنەن سالىنعان زاماناۋي دەنە شىنىقتىرۋ-ساۋىقتىرۋ كەشەنى پايدالانۋعا بەرىلدى, دەپ حابارلايدى Egemen.kz
اۋماعى 315 شارشى مەتردەن اساتىن جاڭا نىسان ءبىر اۋىسىمدا 100 ادامدى قابىلداۋعا قاۋقارلى. كەشەندە شاعىن فۋتبول, ۆولەيبول, باسكەتبول جانە دزيۋدو سپورت تۇرلەرىمەن اينالىسۋعا ارنالعان امبەباپ زال قاراستىرىلعان. بۇل اۋىلداعى 700-دەن استام تۇرعىننىڭ سپورتپەن شۇعىلدانۋىنا مۇمكىندىك بەرەدى.
نىساننىڭ اشىلۋ راسىمىنە قاتىسقان اقمولا وبلىسىنىڭ اكىمى مارات احمەتجانوۆ بيزنەستىڭ الەۋمەتتىك جاۋاپكەرشىلىگىن جوعارى باعالاپ, كاسىپكەرلەرگە العىس ايتتى. سونداي-اق كەشەننىڭ جانىنان ۆوركاۋت جانە كوماندالىق ويىندارعا ارنالعان قوسىمشا اشىق سپورت الاڭىن سالۋدى تاپسىردى.
سپورت كەشەنىنىڭ اشىلۋىمەن قاتار اۋىلدى اباتتاندىرۋ جۇمىستارى دا جۇرگىزىلدى. اتاپ ايتقاندا, كوشەلەر مەن ستاديوننىڭ جارىقتاندىرۋ جۇيەسى جاڭارتىلىپ, ۇزىندىعى 15 شاقىرىم بولاتىن كىرەبەرىس جول پايدالانۋعا بەرىلدى.