الەۋمەتتىك جەلىلەردە جولاۋشىلار تۇسىرگەن ۆيدەو پايدا بولعان. ماڭعىستاۋ-سەمەي باعىتىنداعى №37 پويىزدىڭ جولاۋشىلارى ۆاگونداعى تاراقاندارعا شاعىمداندى, دەپ حابارلايدى Egemen.kz.
جۇرت دەزينسەكتسيا جۇمىستارىنىڭ ساپاسىزدىعىنا شاعىمدانىپ جاتىر. «جولاۋشىلار تاسىمالى» كومپانياسىنىڭ مالىمدەۋىنشە, شاعىمنان كەيىن پويىز سوڭعى ستانتسياعا كەلگەن بويدا قۇرامعا جوسپاردان تىس دەزينسەكتسيالىق وڭدەۋ جۇمىستارى جۇرگىزىلەدى.
«بۇل ۆاگوندى جوسپارلى وڭدەۋ جۇمىستارى بەلگىلەنگەن تالاپتارعا سايكەس بيىل 30 مامىردا جۇرگىزىلگەن. نورماتيۆتەر بويىنشا جولاۋشىلار ۆاگوندارىن دەزينسەكتسيالاۋ ايىنا كەمىندە ءبىر رەت, ال دەراتيزاتسيالاۋ توقسانىنا كەمىندە ءبىر رەت جۇرگىزىلەدى», دەدى كومپانيا وكىلدەرى.
Lada. kz مالىمەتىنشە, تەكسەرۋ قورىتىندىسى بويىنشا پويىز باستىعى, وندىرىستىك وقىتۋ نۇسقاۋشىسى, «باتىس» فيليالى ماڭعىستاۋ ۋچاسكەسىنىڭ باستىعى, سونداي-اق, «باتىس» فيليالىنىڭ ديرەكتورى, ديرەكتوردىڭ سەرۆيستىك قىزمەت كورسەتۋ جونىندەگى ورىنباسارى جانە باس ينجەنەرى تارتىپتىك جاۋاپكەرشىلىككە تارتىلدى.سونىمەن قاتار, ۆاگوندى رەيسكە شىعار الدىندا قابىلداۋعا جانە دايىنداۋعا جاۋاپتى بولعان رەيسالدى كوميسسياسىنىڭ بارلىق مۇشەسى جازالاندى.
كومپانيا جولاۋشىلاردان كەلتىرىلگەن قولايسىزدىقتار ءۇشىن كەشىرىم سۇرادى. ءمان-جايدى انىقتاۋ ءۇشىن «باتىس» فيليالىنا «جولاۋشىلار تاسىمالى» اق ورتالىق اپپاراتىنان ارنايى كوميسسيا جىبەرىلدى.
پويىز دارەتحاناسىندا بولعان كەلەڭسىزدىكتەن كەيىن جولاۋشى 3 ملن تەڭگە ءوندىرىپ الدى