ماڭعىستاۋ وبلىسىنداعى ءۇستىرت قورىعى اۋماعىندا 2024 جىلى فوتوتۇزاقتارعا العاش رەت تۇسكەن الدىڭعىازيالىق (پارسى) قابىلانىنىڭ اتالىعى قايتادان كورىنىپ وتىر, دەپ حابارلايدى Egemen.kz.
وسىلايشا, ناۋرىز بەن مامىر ارالىعىندا قابىلان «قىزىلسايعا» بارىپ, قايتا ورالىپ, كەمىندە 450 شاقىرىم جول جۇرگەن. ول وسىعان ۇقساس باعىتتى 2025 جىلى دا ەڭسەرگەن بولاتىن.
ورتالىق ماماندارىنىڭ ايتۋىنشا, قابىلان انالىعىن ىزدەۋ ماقساتىندا ۇنەمى ۇزاق قاشىقتىقتارعا كوشىپ-قونىپ جۇرە بەردى. الايدا ازىرگە بۇل ارەكەتتەر ناتيجە بەرمەي وتىر. سەبەبى اتالىقتارمەن سالىستىرعاندا انالىق قابىلاندار مۇنداي الىس ساپارلارعا سيرەك شىعادى. تۇرىكمەنستاننان ءۇستىرتتىڭ وتاندىق بولىگىنە انالىق قابىلانداردىڭ وتكەنى تۋرالى ناقتى دەرەكتەر جوق, دەگەنمەن مۇنداي مۇمكىندىكتى تولىق جوققا شىعارۋعا بولمايدى.
ۇستىرتتە دالا مىسىعى فوتوتۇزاققا ءتۇسىپ قالدى
ماڭعىستاۋ اۋماعىنداعى قابىلاننىڭ قوزعالىسىن باقىلاۋ ءۇستىرت قورىعى مەن «قىزىلساي» تابيعي پاركىنىڭ 2023 جىلدان بەرى جۇزەگە اسىرىپ كەلە جاتقان ىنتىماقتاستىعىنىڭ ارقاسىندا مۇمكىن بولدى. بۇل جۇمىس قازاقستانداعى قابىلانداردى زەرتتەۋ جانە قورعاۋ جونىندەگى حالىقارالىق جوبا اياسىندا جۇرگىزىلىپ جاتىر. جوبانى ۇيلەستىرۋدى BRCC قوعامدىق قورى اتقارادى.
الدىڭعىازيالىق قابىلان 2021 جىلى قازاقستاننىڭ قىزىل كىتابىنا ەنگىزىلگەن. قازاقستاندا بۇل جىرتقىشتىڭ تۇراقتى پوپۋلياتسياسى جوق. ول ماڭعىستاۋ وبلىسىنىڭ اۋماعىنا ارەدىك تۇرىكمەنستاننان كەلىپ تۇرادى.
شىعىس قازاقستاندا قار بارىسى فوتوتۇزاقتى زاقىمداپ كەتكەن