الماتىدا ءال-فارابي داڭعىلىنداعى جول اپاتىنا قاتىستى سوت وتىرىسى جالعاسىپ جاتىر. سوتتا اپات ءساتى تۇسىرىلگەن بەينەجازبا كورسەتىلدى, دەپ حابارلايدى Egemen.kz.
ۆيدەودا Zeekr كولىگىنىڭ جوعارى جىلدامدىقپەن قارسى باعىتتاعى جولاقپەن قوزعالىپ, Mercedes كولىگىمەن سوقتىعىسقانى كورىنەدى.
بۇدان بولەك سوت وتىرىسىندا كۋاگەرلەر جاۋاپ بەرىپ, اپاتقا دەيىنگى وقيعا تىزبەگىنە قاتىستى مالىمەت بەردى.
سوتتا قازا تاپقان توميريس قادىربەكتىڭ اناسى ارايىلىم ەسەنباەۆا ايىپتالۋشى الەكساندر پاكتى كەشىرگەنىن جانە وعان ەشقانداي تالابى جوق ەكەنىن مالىمدەدى.
ەسكە سالساق, قايعىلى جول اپاتى 21 ناۋرىزعا قاراعان ءتۇنى ءال-فارابي داڭعىلىندا بولعان. اپات سالدارىنان Mercedes جۇرگىزۋشىسى مەن 20 جانە 22 جاستاعى ەكى قىز كوز جۇمدى. بۇعان دەيىنگى سوت وتىرىسىندا ەكى جابىرلەنۋشى تاراپ سوتتالۋشىمەن تاتۋلاسقانىن ايتقان بولاتىن.