گەرمانيا سوتى Facebook الەۋمەتتىك جەلىسىندە ەل كانتسلەرى فريدريح مەرتس تۋرالى قورلايتىن پىكىر جازعان ەكى ازاماتقا سالىنعان ايىپپۇلدى زاڭدى دەپ تانىدى, دەپ حابارلايدى Egemen.kz.
ولاردىڭ ءبىرى ساياساتكەردى «Lügenfritz» («وتىرىكشى فريتس») دەپ اتاعان. ەرينگەن قالاسىنىڭ سوتى وعان 30 كۇندىك مولشەرلەمە كولەمىندە ايىپپۇل تاعايىندادى. بۇل سوما ازاماتتىڭ تابىسىنا قاراي ەسەپتەلەدى جانە 2 مىڭ ەۋرودان اسۋى مۇمكىن. سوت شەشىمى كۇشىنە ەندى.
تاعى ءبىر Facebook قولدانۋشىسى كانتسلەرگە قاتىستى دورەكى لاقاپ ات قولدانعانى ءۇشىن ءدال وسىنداي جازاعا تارتىلدى.
جالپى حايلبرونن پروكۋراتۋراسى 39 پىكىردى تەكسەرگەن. ونىڭ 15-ءى بويىنشا ءىس توقتاتىلسا, قالعان ماتەريالدار وزگە ۆەدومستۆولارعا جولدانعان نەمەسە ءالى قارالۋ ۇستىندە.
مالايزيادا بالالاردىڭ الەۋمەتتىك جەلىگە تىركەلۋىنە تىيىم سالىندى
تەرگەۋگە كانتسلەردىڭ حايلبرونن قالاسىنا ساپارى كەزىندە پوليتسيا جاريالاعان حابارلاما سەبەپ بولعان. پىكىر اۆتورلارى گەرمانيا قىلمىستىق كودەكسىنىڭ ساياساتكەرلەردى قورلاۋ مەن جالا جابۋعا قاتىستى جاۋاپكەرشىلىكتى كوزدەيتىن 188-بابى بويىنشا جاۋاپقا تارتىلعان.