فيليپپين جاعالاۋىندا بولعان كۇشتى جەر سىلكىنىسىنەن كەيىن جاپونيانىڭ بىرنەشە ايماعىندا تسۋنامي قاۋپى جاريالانىپ, جاپپاي ەۆاكۋاتسيا جۇرگىزىلدى, دەپ حابارلايدى Egemen.kz.
ەۋرو-جەرورتا تەڭىزى سەيسمولوگيالىق ورتالىعىنىڭ مالىمەتىنشە, ءفيليپپيننىڭ مينداناو ارالى ماڭىندا ماگنيتۋداسى 7,8 بولاتىن جەر سىلكىنىسى تىركەلگەن. وسىدان كەيىن جاپونيا بيلىگى تسۋنامي قاۋپى تۋرالى ەسكەرتۋ جاريالادى.
حابارلاماعا سايكەس, ەۆاكۋاتسيا كانتو وڭىرىنەن باستاپ كيۋسيۋ مەن وكيناۆاعا دەيىنگى بىرقاتار ايماقتى قامتىدى. تۇرعىندارعا جاعالاۋ اۋماقتارىن, وزەن ساعالارىن دەرەۋ تاستاپ, قاۋىپسىز جەرلەرگە كوشۋ ۇسىنىلدى.
جالپى 10 پرەفەكتۋرادا – يباراكي, تيبا, سيدزۋوكا, ايتي, ميە, ۆاكاياما, كوتي, ميادزاكي, كاگوسيما جانە وكيناۆادا شامامەن 95 مىڭنان استام ءۇي شارۋاشىلىعى, ياعني 181 مىڭنان استام ادام ەۆاكۋاتسيالانعان.
الماتى ماڭىندا بولعان جەر سىلكىنىسى ءۇش وبلىستا سەزىلگەن
جەرگىلىكتى بيلىك تۇرعىندارعا تەڭىزگە جاقىنداماۋدى جانە قاۋىپسىز ايماقتاردا قالۋدى ەسكەرتتى. مامانداردىڭ ايتۋىنشا, كۇشتى اعىندار ساقتالۋى مۇمكىن, سوندىقتان تسۋنامي قاۋپى تولىق جويىلعانعا دەيىن ساقتىق شارالارىن ۇستانۋ قاجەت.