الماتى قالاسىنىڭ مەدەۋ اۋدانىنداعى مىڭجىلقى شاتقالىندا, تەڭىز دەڭگەيىنەن 3020 مەتر بيىكتىكتە ورنالاسقان مالىش شىڭىنان ءتۇسۋ كەزىندە تۋريستىك توپتىڭ 2007 جىلى تۋعان مۇشەلەرىنىڭ ءبىرى جارتاستان قۇلاپ, جاراقات الدى, دەپ حابارلايدى Egemen.kz
وقيعا ورنىنا جەتكەن تجم قىزمەتكەرلەرى زارداپ شەككەن ازاماتتى جەدەل تاۋىپ, وعان العاشقى كومەك كورسەتىپ, ەۆاكۋاتسيالاۋعا كىرىستى. قاۋىپسىز جەرگە جەتكىزىلگەننەن كەيىن تۋريست تجم اپاتتار مەديتسيناسى ورتالىعىنىڭ بريگاداسىنا تاپسىرىلدى.
تۋريستىك توپتىڭ تاعى ءۇش مۇشەسى قۇتقارۋشىلاردىڭ سۇيەمەلدەۋىمەن قاۋىپسىز جەرگە جەتكىزىلدى. ولارعا مەديتسينالىق كومەك قاجەت بولعان جوق.