شىمكەنت قالاسىنىڭ سولتۇستىك اينالما جولىندا جولدىڭ بەتون جابىنىنان اقاۋ انىقتالعاننان كەيىن جول قىزمەتتەرى جوندەۋ جۇمىستارىن جۇرگىزىپ جاتىر. بۇل تۋرالى قازاۆتوجول كومپانياسىنىڭ ءباسپاسوز قىزمەتى حابارلادى, دەپ جازادى Egemen.kz
جول جابىنىنداعى زاقىم 7 ماۋسىم كۇنى جوسپارلى تەكسەرۋ بارىسىندا «شىمكەنت قالاسىنىڭ سولتۇستىك اينالما جولى» اۆتوجولىنىڭ 2257-شاقىرىمىندا انىقتالعان.
الدىن الا مالىمەت بويىنشا, اقاۋدىڭ پايدا بولۋىنا اۋا تەمپەراتۋراسىنىڭ كۇرت كوتەرىلىپ, +35...+37 گرادۋسقا دەيىن جەتۋى سەبەپ بولۋى مۇمكىن. اپتاپ ىستىقتىڭ اسەرىنەن بەتون پليتالار كەڭەيىپ, سونىڭ سالدارىنان جول جابىنىندا دەفورماتسيا پايدا بولعان.
ماماندار جۇرگىزۋشىلەردەن جوندەۋ جۇمىستارى جۇرگىزىلىپ جاتقان ۋچاسكەدە جىلدامدىق رەجيمىن ساقتاپ, بارىنشا مۇقيات بولۋدى ەسكەرتەدى.