قاراعاندى وبلىسىندا بولعان جول-كولىك وقيعاسى سالدارىنان 29 جاستاعى فۋتبولشى, كوكشەتاۋدىڭ «ەلىماي» كلۋبىنىڭ ويىنشىسى جانە «سكاۋت» بالالار كومانداسىنىڭ جاتتىقتىرۋشىسى يليا بۋرتوۆوي كوز جۇمدى, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ مالىمەتىنشە, قايعىلى وقيعا 6 ماۋسىم كۇنى اباي – قاراعاندى اۆتوجولىنىڭ دۋبوۆكا كەنتى ماڭىنداعى ۋچاسكەسىندە بولعان. Chevrolet Cobalt كولىگىن باسقارعان 21 جاستاعى جۇرگىزۋشى كولىكتى تىزگىندەي الماي, قارسى جولاققا شىعىپ كەتكەن. سونىڭ سالدارىنان ول Opel Vectra اۆتوكولىگىمەن سوقتىعىسقان.
پاۆلودار وبلىسىندا جول اپاتىنان ءجاسوسپىرىم قازا تاپتى
اپات سالدارىنان Chevrolet Cobalt جۇرگىزۋشىسى مەن ونىڭ ەكى جولاۋشىسى ءتۇرلى جاراقات الىپ, اۋرۋحاناعا جەتكىزىلدى. ال اۋىر حالدە اۋرۋحاناعا تۇسكەن يليا بۋرتوۆوي دارىگەرلەردىڭ بارلىق كۇش-جىگەرىنە قاراماستان قايتىس بولدى.
پوليتسيا جول اپاتتارىنىڭ نەگىزگى سەبەپتەرى رەتىندە جىلدامدىقتى شامادان تىس ارتتىرۋدى, قارسى جولاققا شىعۋدى جانە جۇرگىزۋشىلەردىڭ جولداعى مۇقياتسىزدىعىن اتادى. وسىعان بايلانىستى ءتارتىپ ساقشىلارى جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا شاقىردى.
اتىراۋ وبلىسىندا اۋدان اكىمنىڭ ورىنباسارى جول اپاتىنان كوز جۇمدىيليا بۋرتوۆوي فۋتبولداعى كاسىبي مانسابىن 2015 جىلى باستاعان. ول ءار جىلدارى ءتۇرلى كوماندالار ساپىندا ونەر كورسەتىپ, فۋتزالدان دا باق سىنادى. سونداي-اق FC BIRLIK اۋەسقوي كلۋبىنىڭ قۇرامىندا شاعىن فۋتبولدان الەم چەمپيوناتىنا قاتىسقان. 2025 جىلى كوكشەتاۋدىڭ «ەلىماي» كلۋبى ساپىندا قازاقستان كۋبوگى مەن ءبىرىنشى ليگا ماتچتارىندا الاڭعا شىققان بولاتىن.