مەملەكەت باسشىسىنىڭ كەلىسىمىمەن جانە باس پروكۋروردىڭ بۇيرىعىمەن 3-سىنىپتى مەملەكەتتىك ادىلەت كەڭەسشىسى باۋىرجان قىپشاق ۇلى مىرزاكەروۆ تۇركىستان وبلىسىنىڭ پروكۋرورى لاۋازىمىنا تاعايىندالدى, دەپ حابارلايدى Egemen.kz.
باۋىرجان مىرزاكەروۆ ەڭبەك جولىن قاپشاعاي گارنيزونى اسكەري پروكۋرورىنىڭ كومەكشىسى بولىپ باستادى.
ءار جىلدارى سارىوزەك, وسكەمەن, قاپشاعاي گارنيزوندارىنىڭ اسكەري پروكۋرورى, باس اسكەري پروكۋروردىڭ ورىنباسارى, پاۆلودار وبلىسى پروكۋرورىنىڭ ورىنباسارى, باس پروكۋراتۋرانىڭ قىزمەت باستىعىنىڭ ورىنباسارى, قىزمەت باستىعى, استانا قالاسىنىڭ پروكۋرورى بولىپ قىزمەت ىستەگەن.
2022 جىلدىڭ مامىر ايىنان باستاپ قاراعاندى وبلىسىنىڭ پروكۋرورى.
قىزمەتتىك مىندەتتەرىن ءمىنسىز اتقارعانى ءۇشىن I جانە II دارەجەلى «داڭق» وردەندەرىمەن ناگرادتالعان. پروكۋراتۋرانىڭ قۇرمەتتى قىزمەتكەرى.
ايتا كەتەيىك, بۇعان دەيىن جامبىل وبلىسىنىڭ پروكۋرورى تاعايىندالدى.