تۇركىستان وبلىسىندا 4 ادامنىڭ ءومىرىن قيعان قايعىلى وقيعا بولدى. ارىس قالاسىندا جەڭىل اۆتوكولىك تۇرعىن ءۇيدىڭ قورشاۋىنا سوعىلىپ, سول ماڭدا ورىندىقتا وتىرعان ادامداردى قاققان, دەپ حابارلايدى Egemen.kz.
جول-كولىك وقيعاسى سالدارىنان ەكى بالا مەن جۇكتى ايەل قازا تاپتى. تاعى ەكى ادام اۋىر جاراقات الىپ, اۋرۋحاناعا جەتكىزىلگەن.
الدىن الا مالىمەتتەر بويىنشا, كولىكتى 52 جاستاعى ايەل باسقارعان. مەكتەپتە جۇمىس ىستەيتىن ايەل بوس ۋاقىتىندا جەكە تاسىمالمەن اينالىسادى. ساراپتاما قورىتىندىسىنا سايكەس, جۇرگىزۋشى ماس كۇيدە بولعان دەگەن بولجام بار. ايەلگە ابايسىزدا ادام ولىمىنە اكەلگەن جول قوزعالىسى ەرەجەلەرىن بۇزۋ بابى بويىنشا ايىپ تاعىلىپ, سوتقا تارتىلۋى مۇمكىن.
ايتا كەتەيىك, جامبىل وبلىسىندا ادام ولىمىنە اكەپ سوققان ءىرى جول-كولىك وقيعاسى بويىنشا قىلمىستىق ءىس قوزعالدى.
ەسكە سالا كەتەيىك, الماتى قالاسىندا ءال-فارابي داڭعىلىندا بولعان ءۇش ادامنىڭ قازاسىنا سەبەپ بولعان جول-كولىك وقيعاسىنا قاتىستى سوت وتىرىسى جالعاسىپ جاتىر.