1 ماۋسىمنان باستاپ قازاقستاندىق كۋرورتتارعا اۋە رەيستەرى سۋبسيديالانعان باعامەن قولجەتىمدى بولادى. الاكول, بالقاش, بۋراباي, تۇركىستان سياقتى باعىتتارعا بيلەتتەر 16-20 مىڭ تەڭگە ارالىعىندا بولادى, دەپ حابارلايدى Egemen.kz.
ال كەلەسى تۋريستىك ماۋسىمدا اۋە رەيستەر كاتونقاراعاي, زايسان جانە كەندەرلىگە جول اشادى. كولىك مينيسترلىگىنىڭ مالىمەتىنشە, بيىلعى جىلى 24 الەۋمەتتىك ماڭىزى بار اۋە باعىتى سۋبسيديالانادى. نەگىزگى نازار تۋريستىك باعىتتارعا اۋدارىلادى.
ايتا كەتەيىك, قازاقستاندىقتار ەل ىشىندە ءجيى ۇشا باستادى. وتكەن جىلى 31 ميلليوننان استام جولاۋشىعا قىزمەت كورسەتىلدى. ونىڭ 22 ميلليونى جەرگىلىكتى باعىتتاردا.
«ەگەر ءۇشارال, ءۇرجار جانە بالقاش باعىتتارى تۋرالى ايتاتىن بولساق, 1 ماۋسىمنان باستاپ استانا مەن الماتىدان رەيستەر ورىندالادى. بيلەتتەردىڭ قۇنى 16-دان 20 مىڭ تەڭگە ارالىعىندا بولادى. الەۋمەتتىك ماڭىزى بار وبلىسارالىق باعىتتار سۋبسيديالانادى. وعان مىسالى, تۇركىستان, كوكشەتاۋ, قاراعاندى جانە باسقا قالالاردىڭ باعىتتارى ەنىپ وتىر. باعاسى بەكىتىلگەن. ماكسيمالدى قۇنى - 16-دان 30 مىڭ تەڭگەگە دەيىن», - دەيدى قر مت ازاماتتىق اۆياتسيا كوميتەتى توراعاسىنىڭ ورىنباسارى سارسەن جارىلعاسوۆ.