استانا قالاسىندا پوليتسيا ءىرى كولەمدە سينتەتيكالىق ەسىرتكىنى زاڭسىز تاراتقان 22 جاستاعى جىگىتتى ۇستادى, دەپ حابارلايدى Egemen.kz.
تەرگەۋ مالىمەتىنشە, كۇدىكتى جالعا العان پاتەرلەردى ءجيى اۋىستىرىپ, سول جەرلەردە ەسىرتكى زاتتارىن ساقتاپ وتىرعان. ءتىنتۋ كەزىندە ونىڭ تۇرىپ جاتقان پاتەرىنىڭ اسحاناسىنان شامامەن 1 كەلىگە جۋىق تىيىم سالىنعان زات تابىلعان.
تەرەزە ماڭىنان اق ءتۇستى ۇنتاق ءتارىزدى زات سالىنعان 8 پاكەت انىقتالدى. ساراپتاما ناتيجەسى بويىنشا تاركىلەنگەن زاتتاردىڭ ىشىندە شامامەن 500 گرامم مەفەدرون جانە 400 گرامعا جۋىق الفا-PVP بولعان.
پوليتسيانىڭ حابارلاۋىنشا, ەر ادام قىسقا مەرزىمگە ءارتۇرلى پاتەرلەردى جالداپ, ولاردى ەسىرتكى ساقتاۋ ءۇشىن پايدالانعان. بۇل دەرەك بويىنشا اسا ءىرى كولەمدە زاڭسىز ەسىرتكى اينالىمى بابىمەن قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى.
گرۋزيادا ەسىرتكىمەن ۇستالعان قازاقستان ازاماتى ءومىر بويىنا سوتتالۋى مۇمكىن
قۇقىق قورعاۋ ورگاندارى پاتەر يەلەرىن جالعا بەرۋدە مۇقيات بولۋعا جانە كۇماندى جاعدايلار بايقالسا, پوليتسياعا حابار بەرۋگە شاقىردى.