اقتوبە وبلىسى پوليتسياسى شەتەلدىك ستۋدەنتتەردى قورقىتىپ, اقشا بوپسالادى دەگەن كۇدىكپەن 28 جاستاعى جەرگىلىكتى تۇرعىندى ۇستادى, دەپ حابارلايدى Egemen.kz.
پوليتسيا مالىمەتىنشە, كۇدىكتى جەدەل-ىزدەستىرۋ شارالارى بارىسىندا ارنايى جاساق قىزمەتكەرلەرىنىڭ قاتىسۋىمەن اقشا الۋ كەزىندە قولعا تۇسكەن.
تەرگەۋدىڭ الدىن الا نۇسقاسىنا سايكەس, شامامەن ون كۇن بۇرىن ەر ادام شەتەلدىك ستۋدەنتتەرمەن تانىسىپ, كەيىن ولارمەن بىرگە قالاداعى ويىن-ساۋىق ورىندارىنىڭ بىرىندە ۋاقىت وتكىزگەن.
ۇرلىق, بوپسالاۋ, الاياقتىق: قاراعاندى وبلىسىندا قىلمىستىق توپ ۇستالدى
كەيىن كافەدە ەسەپ ايىرىسۋعا اقشا جەتپەي قالعان كەزدە, كۇدىكتى ستۋدەنتتەردىڭ ءبىرىن قورقىتىپ, ۇيالى تەلەفونىن لومباردقا وتكىزۋگە ماجبۇرلەگەن.
بۇدان سوڭ بىرنەشە كۇننەن كەيىن ول شەتەلدىك ازاماتتان بوپسالاۋ ارقىلى تاعى 50 مىڭ تەڭگە العان دەگەن كۇدىككە ءىلىندى.
قازىرگى ۋاقىتتا اتالعان دەرەك بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
ايتا كەتەيىك, الماتى وبلىسىندا بوپسالاۋ جانە قاراقشىلىق ارەكەتتەرگە قاتىسى بار دەگەن كۇدىكپەن ءبىر توپ ادام ۇستالدى.
جەتىسۋ وبلىسىندا بوپسالاۋمەن اينالىسقان 9 ادام سوتتالدى.