ەڭبەك جانە حالىقتى الەۋمەتتىك قورعاۋ ءمينيسترى اسقاربەك ەرساەۆ قازاقستاندا بجزق-دان زەينەتاقى جيناقتارىن الۋ ءۇشىن جەتكىلىكتىلىك شەگىن ارتتىرۋدى جوسپارلاپ وتىرعانىن ايتتى, دەپ حابارلايدى Egemen.kz
ءوسىم سالىمشىنىڭ جاسىنا بايلانىستى 79%-عا دەيىن بولۋى مۇمكىن. بيلىكتىڭ جاڭا ەسەپتەۋلەرى مەن فورمۋلالارى وسى ايدا رەسمي تۇردە جاريالاۋعا ۋادە ەتىلدى. دەمەك, قاتاڭداتىلعان جاڭا ەرەجەلەرگە بايلانىستى قازاقستاندىقتارعا زەينەتاقىدان ارتىق اقشا شىعارۋ قيىنعا سوعادى.
ەڭبەك مينيسترلىگى زەينەتاقى جۇيەسىندەگى بۇل شەشىمدى ەڭ الدىمەن قارتايعان شاقتا جينالعان قاراجاتتىڭ دۇرىس جۇمىس ىستەۋى ءۇشىن كەرەك دەپ ءتۇسىندىردى. ۆەدومستۆونىڭ مالىمەتىنشە, سوڭعى بەس جىلدا قازاقستاندىقتار بجزق-دان شامامەن 5,7 ترلن تەڭگە شىعارعان. وسى اقشانىڭ باسام بولىگى كرەديتتەردى جابۋعا جۇمسالعان.
مينيستر اقشانى الۋعا تولىق تىيىم سالىنبايتىنىن اتاپ ءوتتى. قازاقستاندىقتار ءالى دە جيناقتاعى اقشاسىنىڭ ءتيىستى شەگىنەن اسقانىن پايدالانا الادى. الايدا بيلىك ونىڭ مولشەرىن قىسقارتۋدى ويلاستىرىپ وتىر.
بجزق زەينەتاقى اكتيۆتەرى 25,9 ترلن تەڭگەگە جەتتى
ەستەرىڭىزگە سالايىق, 2025 جىلعى 1 قىركۇيەكتەن باستاپ قازاقستاندا بجزق-دان زەينەتاقى تولەمدەرىن تاعايىنداۋ ەرەجەلەرى وزگەرگەن بولاتىن. ەندى زەينەتكەرلىككە شىققان ازاماتتارعا ءوتىنىش بەرۋدىڭ جانە قوردىڭ بولىمشەلەرىنە بارۋدىڭ قاجەتى جوق. بارلىق راسىمدەر اۆتوماتتى تۇردە ورىندالادى.