قاراعاندى. 12 ءساۋىر. قاراعاندى وبلىسى اكىمىنىڭ وكىمىمەن نيقانباي يمانعالي ۇلى ومارحانوۆ نۇرا اۋدانىنىڭ اكىمى قىزمەتىنە تاعايىندالدى. بۇل تۋرالى قاراعاندى وبلىسى اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
نيقانباي ومارحانوۆ 1955 جىلى تۋعان. 1977 جىلى تسەلينوگراد اۋىل شارۋاشىلىعى ينستيتۋتىن, 2002 جىلى قاراعاندى مەملەكەتتىك تەحنيكالىق ۋنيۆەرسيتەتىن تامامداعان. بىلىكتىلىگى بويىنشا, اۋىل شارۋاشىلىعىنىڭ ينجەنەر-ەلەكتريگى, ەكونوميست.
ونىڭ شارۋاشىلىق سالاسىندا جانە مەملەكەتتىك باسقارۋ ىسىندە مول تاجىريبەسى بار. 20 جىلدان استام ۋاقىت بويى قارقارالى اۋدانىنىڭ اۋىل شارۋاشىلىعى سالاسىندا ءتۇرلى قىزمەتتەر اتقاردى. 2000-2010 جىلدارى قارقارالى اۋدانى اكىمىنىڭ ورىنباسارى, اكىمى بولدى. قاراعاندى وبلىسى اۋىل شارۋاشىلىعى باسقارماسىنىڭ باسشىسى, كەيىن «اگروكونسالتينگ» اق باسقارماسىنىڭ توراعاسى قىزمەتتەرىن اتقاردى. 2013 جىلدىڭ ماۋسىم ايىنان بۇگىنگە دەيىن اقتوعاي اۋدانىنىڭ اكىمى لاۋازىمىندا بولدى.
«ەرەن ەڭبەگى ءۇشىن» مەدالىمەن ناگرادتالعان.
نۇرا اۋدانىنىڭ وسىعان دەيىن اكىمى بولعان قۇدايبەرگەن بەكسۇلتانوۆ قاراعاندى قالالىق ءماسليحاتىنىڭ حاتشىسى بولىپ سايلاندى.
قايرات ءابىلدينوۆ.
دەرەك, فوتو: قاراعاندى وبلىسى اكىمىنىڭ ءباسپاسوز قىزمەتى.