استانا. 12 ءساۋىر. تۇركيانىڭ ديارباكىر پروۆينتسياسىندا سودىرلار ۇيىمداستىرعان جارىلىستان 47 ادام ءتۇرلى دەڭگەيدە جاراقات الدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
اتالعان پروۆينتسياعا قاراستى حاني قالاسىندا جارىلعىش زات ورناتىلعان كولىك جارىلىپ, 1 اسكەري ادام قازا تاپتى. وسىعان دەيىن «كۇردىستان جۇمىسشىلار پارتياسىنىڭ» لاڭكەستەرى پوليتسيا باسقارماسى عيماراتىنا شابۋىل جاساعانى تۋرالى اقپارات تاراعان.
«ساعات 23:10-دا, 11 ءساۋىر كۇنى لاڭكەستەر ۇيىمىنىڭ مۇشەلەرى پوليتسيا باسقارماسىنىڭ عيماراتى مەن جاتاقحاناسىندا جارىلىس ۇيىمداستىردى. سالدارىنان ءبىزدىڭ قاتارداعى ءبىر جاۋىنگەرىمىز مەرت بولىپ, 39 ساربازىمىز ءتۇرلى دەڭگەيدە جاراقات الدى. سونداي-اق, قىزمەتكەرلەرىمىزدىڭ وتباسى مۇشەلەرىنەن 6 ادام جانە ەلىمىزدىڭ ەكى ازاماتى زارداپ شەكتى», – دەپ مالىمدەدى تۇركيانىڭ باس شتابى.
ايان ءابدۋالي.
دەرەك, فوتو: ريا «نوۆوستي».