استانا. 12 ءساۋىر. موڭعولياعا قاراستى التاي تاۋىنىڭ 2 مىڭ 800 مەتر بيىك شىڭدارىنىڭ بىرىندە VI عاسىردا جەرلەنگەن ءمايىت تابىلدى. بۇل تۋرالى baq.kz-كە سىلتەمە جاساعان egemen.kz ءتىلشىسى حابارلادى.
ارحەولوگتاردىڭ ايتۋىنشا, ءمايىت كونە تۇركى تايپاسىنا تيەسىلى. سونداي-اق, سايگ ۇلىگى, ەرتوقىمى, ارقانى, اعاش ىدىستارى جانە تەرىدەن تىگىلگەن كيىمدەرى بىرگە جەرلەنگەن. وسىعان بايلانىستى عالىمدار ءمايىت يەسى جوعارى تاپتىڭ وكىلى بولعان دەگەن بولجام جاسادى.
«ءبىز بۇل ورىنعا ايەل ادام جەرلەندى دەگەن شەشىم قابىلدادىق. سەبەبى, قابىر ىشىنەن قارۋ-جاراق تاپپادىق», – دەيدى ارحەولوگتاردىڭ ءبىرى.
زەرتتەۋ بارىسىندا ءمايىتتىڭ 1500 جىل بۇرىن جەرلەنگەنى انىقتالدى. ماماندار تاريحي جادىگەرلەردىڭ بۇگىنگە دەيىن ساقتالۋىنىڭ سىرىن ايماقتاعى كليماتتىڭ قولايلى بولعانىمەن بايلانىستىرادى.
ايان ءابدۋالي.
دەرەك, فوتو: baq.kz.