قاراعاندى. 12 ءساۋىر. قاراعاندى وبلىسىندا وزدەرىن «مينيسترلىكتەنبىز» دەپ تانىستىرعان جالعان كوميسسيا 10 مەكتەپتىڭ ديرەكتورلارىنان اقشا بوپسالاعان. بۇل تۋرالى قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
جالعان كوميسسيانىڭ جۇمىسى تۋرالى مالىمەت ەڭ الدىمەن وبلىستىڭ اقباستاۋ اۋىلىنداعى مەكتەپ ديرەكتورىنان ءتۇستى. ول «102» تەلەفونىنا حابارلاسىپ, ءۇش ادامنان تۇراتىن كوميسسيانىڭ «كەمشىلىكتەر تابىلا قالسا وعان كوز جۇمامىز» دەپ, 100 مىڭ تەڭگە بوپسالاعانىن حابارلاعان.
سول كۇنى جۇرگىزىلگەن جەدەل-ىزدەستىرۋ شارالارى بارىسىندا ءتارتىپ ساقشىلارى بۇرىن ءىستى بولعان 54 جاستاعى ايەل مەن ونىڭ ەكى سىبايلاسىن ۇستادى. تەرگەۋ بارىسىندا كۇدىكتى ايەل ءوزىنىڭ ارام ويىن ىسكە اسىرۋ ءۇشىن ەكى ادامدى جالداعانىن مويىندادى. سونداي-اق, جالعان كوميسسيانىڭ 10 مەكتەپ ديرەكتورلارىنان اقشا بوپسالاعانى انىقتالدى.
قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە.
قايرات ءابىلدينوۆ.
دەرەك: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
فوتو: news.ykt.ru.