قوستاناي. 12 ءساۋىر. قوستانايدا اسا شۋلى «ۇلكەن اكىمدىك ءىسى» اياقتالىپ, كىنالىلەر جازاسىن الدى. ولار 14 جىل, سوڭى 4 جىل باس بوستاندىعىنان ايىرىلدى. بۇل تۋرالى ng.kz-كە سىلتەمە جاساعان egemen.kz ءتىلشىسى حابارلادى.
سۋديا ەرلىك سەرالين قوستاناي قالاسىنىڭ بۇرىنعى اكىمى احمەدبەك احمەتجانوۆتى 13 باس بوستاندىعىنان ايىرۋعا جانە مۇلكىن تاركىلەۋگە ۇكىم شىعاردى. سونىمەن قاتار ەندى ول مەملەكەتتىك قىزمەتتىڭ ماڭايىنان جۇرمەيتىن بولادى. بۇرىنعى اكىم جازاسىن قاتاڭ رەجيمدەگى كولونيادا وتەيدى. قالا اكىمىنىڭ بۇرىنعى ورىنباسارى ماقسۇت قاليەۆ تە توردىڭ ارعى جاعىندا, جالپى رەجيمدەگى كولونيادا 4 جىل وتىراتىن بولادى سونداي-اق, ونىڭ دا مۇلكى تاركىلەنىپ, مەملەكەتتىك قىزمەتتەن الاستاتىلدى.
«ۇلكەن اكىمدىك ءىسىنىڭ» باسقا قاتىسۋشىلارى لەونيد ۆاسيلەۆ 14 جىلعا, سەرگەي بەكتىباەۆ 11 جىلعا, گاگيك وۆنانيان 10 جىلعا سوتتالدى.
ەسكە سالا كەتسەك, بۇل توپتىڭ بارلىعىنا دا بيۋدجەت قارجىسىن جىمقىردى دەگەن ايىپ تاعىلدى. بۇرىنعى قالا باسشىسى احمەدبەك احمەتجانوۆ وتكەن جىلدىڭ 8 قىركۇيەگىندە ۇستالعان بولاتىن. ول تەندەر وتكىزۋدە لاۋازىمدىق قىزمەتىن اسىرا پايدالانىپ, «سترويمەتسەرۆيس-2007» قۇرىلىس فيرماسىنىڭ مۇددەسىن ويلاعان. مەملەكەتكە 67,5 ميلليون تەڭگە زالال كەلتىرگەن.
سۋديا ەرلىك سەرالين سوت ماجىلىسىنەن كەيىن جۋرناليستەرگە ءباسپاسوز ءماسليحاتىن وتكىزدى. وندا ول جۋرناليستەردەن تۇسكەن «ۆاسيلەۆكە بەرگەن جازا نەگە پروكۋرور سۇراعانداي 12 جىل ەمەس, 14 جىل, قوستاناي قالاسىنىڭ بۇرىنعى اكىمى احمەتجانوۆقا كەسكەن جازادان قاتاڭ بولدى؟» دەگەن العاشقى سۇراققا جاۋاپ بەردى.
قوستاناي قالالىق سوتىنىڭ سۋدياسى ەرلىك سەرالين: «ۆاسيلەۆكە مۇنداي قاتاڭ جازا ونىڭ وسى ىستە تىم بەلسەندى بولعانى ءۇشىن بەرىلدى. پارا بەرۋ جۇيەسىندە ول تىم بەلسەندى ءىس اتقارعان. كاسىپكەرلەرگە ءوزى تەلەفون شالىپ, تەندەردىڭ 10 پايىزىن قوقان-لوققى كورسەتىپ الىپ, كوپ بولىگىن وزىنە تاستاپ وتىردى. ول لاۋازىم يەلەرىن ارقالاندى, ونىڭ ىشىندە قوستاناي وبلىسىنىڭ بۇرىنعى اكىمى سادۋاقاسوۆ تا بار», – دەدى.
ءنازيرا جارىمبەتوۆا
دەرەك, فوتو: ng.kz.